ဗမာတစ်ကျပ် ရခိုင်တစ်ရာရမှ ပဋိပက္ခကို ဖြေရှင်းနိုင်ဖို့ 

တိုင်းပြည်နိုင်ငံလူ့ အဖွဲ့ အစည်းတိ ကျယှုံးပျက်သုဉ်းလားခြင်းစွာ အပြင်ကခြိမ်းခြောက်မှုထက် အတွင်းထဲက စရေ။ ရခိုင့်လူ့ ဘောင်ထဲမှာ အဆမတန်အားပျော့လားရခြင်းစွာ ရခိုင်လူထုဂနိကြုံတွိနိန်ကတ်ရရေ ပြဿနာ၏အဓိကရင်းမြစ်ဖြစ်နိန်ရေ။ နယ်ချဲ့ အောက်သား အဆက် ဆက်က ရခိုင်ကို အားပျော့လားအောင် ပုံစံအမျိုးမျိုးနန့်  ထိုးစစ်ဆင် ဖိနှိပ် ဂုတ်သွီးစုပ်နိန်ခရေ။ ရခိုင်လူမျိုး ၃ သန်းကျော်ထဲက အလုပ်လုပ်နိုင်ရေ ၅ သိန်းကျော်က ပြည်ပတိုင်းပြည်တိမှာ ခေတ်သစ်လုပ်သားကျွန်တိ ဖြစ်နိန်ရရေ။ ဗမာနယ်ချဲ့ စွာ ရခိုင်ပြည်မှာ အလုပ်အကိုင်တိတခုလေ့ မဖန်တီးပီးသိမ့်ရေ အပြင် ရခိုင်ရဖို့ ဝီစု (ODA ပိုင် နိုင်ငံတကာက ရခိုင်ပြည်အတွက် ထောက်ပံ့ပီးစွာတိ) ကိုတောင် ဗမာနယ်ချဲ့  အဆက်ဆက်က ဖြတ်စားပါလတ်တေ။ ဒေသဖွံ့ ဖြိုးရေးအတွက် တရုတ်တိပီးရေ ဖဲသာကိုတောင် အောက်သားတိ ဖြတ်စားထားရေ။

ရခိုင်မြို့ ရွာတိမှာ ၀ါကြီးဝါကြီးမတိနန့် အချေတိရာ ကျန်လိုက်ခြင်းက ဇာသူပင် လာတိုက်တိုက် ကယ်သူမဲ့ ကိုယ်လွတ်ရုန်း ထွက်ဗြီးကတ်ရဖို့  အခြေအနေဆိုက်လားရရေ။ လက်ငြင်းဖြစ်လာရေဆိုးကျိုးက
နယ်ချဲ့ အောက်သားနန့် နယ်မြီလုခေါ်တောကုလားကြားမှာ ရခိုင်သားစွာ ကိုယ့်ပြည်ကိုယ့်မြီ ကိုယ့်အိမ်ထဲမှာ အသတ်ခံနိန်ကတ်ရရေ။

အောက်သားရေ ရခိုင်ပြည်က ရီနံနန့်  သဘာဝဓါတ်ငွိရောင်းလို့ ရရေ အမေရိကန်ဒေါ်လာဘီလီယံပေါင်း ၈၀ ကျော်ကို ခိုးယူထားပနာ အောက်သားချပီးရေ ၂၀၁၆-၂၀၁၇ ဘားဂျတ်က ၁၁၈ သန်းရာ ဟိရေ။ ရလဒ်က ရခိုင်ပြည်စွာ မြန်မာနိုင်ငံမှာတောင် အဆင်းရဲဆုံးပြည်နယ် ဖြစ်လာရရေ။

ဗမာကိုလိုနီနယ်ချဲ့ အုပ်ချူပ်ရေးအဆက်ဆက် နှိပ်စက်ပါ လတ်ခြင်းကြောင့် ရခိုင်ရို့  ဖွဲပြာ ကျမွဲလားရခြင်း၊ ကိုယ့်ပြည်က အားကောင်းမောင်းသန်ရခိုင်ရို့ ရွင့်စိုင်ထွက်ကျလားရခြင်းတိရေ ခေါ်တောကုလားရို့ ဂြိုထောင်သောင်း ကျန်းလာစီဖို့  အားနည်းချက် (၀ါ) လမ်းဖွင့်ပီးမိခြင်း ဖြစ် လားရရေ။အဂုပိုင် ရခိုင်ပြည်ထဲမှာ ဖြစ်နိန် ကတ်တေအောက်သားနန့် ကုလားရို့ သောင်း ကျန်း နိန်ကတ်ခြင်း ပဋိပက္ခကြား မှာ ရခိုင်လူထုဒုက္ခရောက် လာရခြင်းကို နည်းမှန်လမ်းမှန်နန့် ဖြေယှင်း လားဖို့ က “ဗမာတစ်ကျပ် ရခိုင်တစ်ရာ ရလာဖို့ လိုရေ”။

ယေကေလေ့ ရခိုင်ရို့ ပြဿနာကို ဖြေယှင်းဖို့  အောက်သားဒေါင်း အုပ်စုမှာ ခေါက်ဆွဲခြောက်၊ ကြက်ဥနန့်  ကိုဖီအာနန်ကို ဒေါ်လာသောင်းချီပီးပနာ ရွီးခိုင်းထားရေ ဖြတ်ညှပ်ကပ် စုတ်ပီစုတ်ပ အစီရင်ခံစာတိရာ ဟိနိန်စွာကို တွိလာရရေ။ ဗမာစစ်တပ်နန့် အောက်သားဒေါင်းစုစွာ ရခိုင်သားဒုက္ခရောက်အောင် တမင်တကာ လုပ်နိန်ခြင်းရာ ဖြစ်တေ။ ရခိုင်နိုင်ငံရေးသမား ပြည်သူ့  ကိုယ်စားလှယ် တစ်ယောက်ကိုလေ့ အသိအမှတ်မပြုပဲ ရခိုင်အရေးကို ဖြေယှင်းဖို့ ဆိုရေ ဂေါင်းစိုင်နန့်  ကိုဖီအာနန်ကို ဆရာလားတင်ခြင်းက ဗမာမ အောင်ဆန်းစုကြည်စွာ ရခိုင်တစ်မျိုးသားလုံးကို အားမနာလုပ် ဗြောင်ကျကျ စော်ကားလိုက်ခြင်းပင် ဖြစ်တေ။

အကျိုင်းချူပ်ပြောရကေ-

ရခိုင်ပြဿနာကို ရခိုင်ရို့ ဦးဆောင်ဆုံးဖြတ်ချက်ချပနာ ဖြေယှင်းလားရဖို့ ။ ရခိုင်ပြည်ကို ဗမာကိုလိုနီလုပ်ထားခြင်းကြောင့်၊ ရခိုင်သားမှာ အာဏာမဲ့လားခြင်းကြောင့်၊ ပြည်ပဲ့နိန်ရရေ ဒေနိုင်ငံရေးပြဿနာကို ဖြေယှင်းဖို့ က ဗမာနယ်ချဲ့ ကိုလိုနီစနစ်ဆိုးကို အမြစ်ကနုတ်လားနိုင်ဖို့  လွတ်လပ်ရေးတိုက်ပွဲလိုရေ… လက်နက်ကိုင်တော်လှန်ရေး လိုရေ။

မဟာဗျူဟာအရ ရခိုင့်အချူပ်အခြာအာဏာ ရခိုင်ရို့ လက်ထဲကို ရောက်လာပနာ ရခိုင်ပြည်ကို ရခိုင်ရို့ ပြန်ထူထောင်ပြီးကေ အုပ်ချူပ်လာနိုင်ရဖို့ ။

နည်းဗျူဟာက ရက္ခိုင့်တပ်မတော်ရေ ရခိုင်လူထုတစ်ရပ်လုံး၏အသက်အိုးအိမ်စည်းစိမ်ကို ထိထိရောက်ရောက်ကာကွယ်လာနိုင်အောင် ရခိုင်မျိုးဆက်သစ်ရို့ ဝိုင်းရံ အားဖြည့်ပီးကတ်ရဖို့ ။ (သီနတ်တိလုပ် ဗုံးတိလုပ်ပနာ လာတိုက်နိန်ရေ ခေါ်တောကုလားကို ပြန်ဆုံးမပီးဖို့ က စစ်ရေးစွမ်းရည် လိုရေ။ သာရေးနာရေးအိုင်ဒီယာနန့် ကယ်တင်ရှင် လားလုပ်လို့ ရဖို့ မဟုတ်ပါ)။ အောက်သားခြင်းကြားတပ်က အိမ်နီးနားချင်း ဘင်္ဂလားဒေရှ့် နန့်  အိန္ဒိယအကူအညီကို ယူပနာ ရက္ခိုင့်တပ်မတော်ကို အမြစ်ပြုတ်တိုက်ဖို့  ကြိုးပမ်းအားထုတ်နိန်စွာကို တွိလာရရေ။ ဒေကြားထဲမှာ NCA၊ ကားပါမစ်နန့်  တစ်ပြားတစ်ချပ်ပီးပနာ သတင်းပီးလုပ်ခိုင်းခြင်းကို ခံနိန်ရရေ အသားထဲက လောက်ချေတိ အန္တရာယ်ကလေ့ တမှောင့် ဖြစ်လာရေ။ ယင်းအတွက်နန့်  ရခိုင်လူထုတစ်ရပ်လုံး၏လွတ်လပ်ရေးအိမ်မက်ကို အကောင်အထည်ဖော်ပီးနိုင်စွမ်းဟိရေ ရခိုင်ရို့  ကိုးကွယ်အားထားရာ ရက္ခိုင့်တပ်မတော်ကို လွတ်လပ်ချင်ရေ ရခိုင်သားရခိုင်သမတိုင်းက ၀ိုင်းရံလာကတ်ရဖို့ ။

ချီးစိုက်ဖို့ ခါမှ ချဖောင်သာရှာခြင်းမဟုတ်ပဲ ရေရှည်စီမံကိန်းချပနာ လူထု ကာကွယ်ရေးလုပ်လားဖို့  အောက်ခြီရခိုင်လူထုရို့ ကိုယ်ပိုင်အသိနန့်  လက်တွဲညီချိတ်ဆက်ပနာ ကာကွယ်ရေးလုပ်လားဖို့  ရခိုင့်လူထုကာကွယ်ရေးအဖွဲ့ တိ လိုလာရေ။ ရခိုင်ပြည်လွတ်လပ်ရေးနန့်  ရခိုင့်နိုင်ငံတော်ကို ထူထောင်ရေးဆိုရေ ရက္ခိတလမ်းစိုင်ကို ရခိုင်လူထုအဖွဲ့ အစည်း အားလုံးရို့  ဗဟိုပြုစွဲကိုင်ပနာ နိုင်ငံရေးတိုက်ပွဲဝင်လားကတ်ရပါဖို့ ။

အောက်သားဘားမှာ သြ၀ါဒခံ ပါမစ်လျှောက်ပနာ ညီလာခံတိလုပ် ယေပြီးကေ ပွဲလေ့ပြီး မီးလေ့သီ စားနိန်ကျကြောင်ဖားက ကြားကဖြတ်စားလားခ…. ဒေပိုင် ကျွန်ဇာတ်ကခြင်းမျိုးနန့်  လားနိန်ကတ်ကေတော့ မ၀ီးရေ အနာဂတ်မှာ ပြဿနာတိပိလို့  သီကျမျိုးပြုန်းလားရရေ ရခိုင် ဆိုပနာ သမိုင်းတွင် လာနိုင်ရေ။။။။

 

ခိုင်အောင်အောင်

၃၀-၀၈-၂၀၁၇

Share

Leave a Reply

Your email address will not be published. Required fields are marked *