Category Archives: ဆောင်းပါး

RakhaRazu articles

07Mar/16

“ရက္ခိတလမ်းစိုင်နန့်  ရခိုင်အမျိုးသားလွတ်မြောက်ရီး”

ရက္ခိုင့်တပ်မတော် ဆိုရေ အမည်နာမ စကားလုံးချေတစ်လုံးနောက်မှာ နှစ်ပေါင်းရာနန့် ချီပါလတ်တေ ရခိုင်အမျိုးသားလွတ်မြောက်ရီးနန့် ရခိုင်နိုင်ငံတော်ကို ပြန်ထူထောင်ရီး ဆိုရေ သမိုင်းကြောင်းကြီး ဟိနိန်ရေ။ Continue reading

29Feb/16

“နိုင်ငံရီးအဆောက်အအုံကို ထုဆစ်တည်ဆောက်ခြင်း”

ပြည်သူလူထုက ပြည်သူလူထုကို ပြည်သူလူထုအပ်နှင်းပီးထားရေ အချူပ်အခြာအာဏာနန့်  စုပေါင်းအုပ်ချူပ်ကတ်တေ ခေတ်သစ်အခြီခံနိုင်ငံရေးအဆောက်အအုံတည်ဆောက်ရရေ အကြောင်းရင်း (၃) ခုဟိရေ။ ယင်းချင့်တိက (၁) လုံခြုံတည်ငြိမ်ရီး (Security and Stability)၊ (၂) ဖွံ့ ဖြိုးတိုးတက်ကြွယ်ဝရီး (Prosperity) နန့်  (၃) အာဏာသျှင်ကင်းစင်ရီး (Non-tyranny) ရို့ ပင် ဖြစ်တေ။

Continue reading

09Feb/16

“ပြည်ပကပို့ ရေ ဖဲသာတိနန့် အသက်ဆက်နိန်ကတ်ရရေ ရခိုင်လူထု”

ကမ္ဘာ့ဘဏ်က သုတေသနပြု ထုတ်ဝီထားရေ ရွိပြောင်းခြင်းနန့် ပြည်ပကပို့ ရေဖဲသာတိ အချက်အလက်စာအုပ် ၂၀၁၆ (Migration and Remittances Factbook 2016) မှာ လူဦးရေ သန်းပေါင်း ၂၄၇ သန်းကျော် ကမ္ဘာ့လူဦးရေ၏ ၃.၄ ရာခိုင်နှုန်းစွာ သူရို့ ၏မွီးရပ်ဇာတိတိုင်းပြည်နိုင်ငံတိ ပြင်ပမှာ နိန်ထိုင်အလုပ်လုပ်ကိုင်နိန်ကတ်ပြီးကေ တစ်နှစ်ကို အမေရိကန်ဒေါ်လာဘီလီယံပေါင်း ၄၅၀ ကျော်လောက် သူရို့ ၏ဖွံ့ ဖြိုးစတိုင်းပြည်တိဘားကို ဖဲသာလွှဲပြောင်းပို့ ပီး နိန်ကတ်တေလို့  မှတ်တမ်းတင်ထားပါရေ။

Continue reading

24Jan/16

ကြာညို့ဘားကပီးစာ(၁)

သို့ /
ကိုအဆိုးသျှေ…….
နီကောင်းရေမဟုတ်လား?ကိုအဆိုးသျှေတစ်ယောက်နီကောင်းပါစီ                                              လို့လေ့ကြာညိုနိတိုင်း ဆုတောင်းမိတ္တာပို့သနီစွာရာ။ ကိုအဆိုးသျှေတစ်ယောက်  ဘေးမသီရန်မခဆူးငြောင့်ခလုတ် မထိဘဲ နီထိုင်ကောင်းပါစီလို့ ကြာညို ဆုတောင်းပီးလိုက်ယင့်။ ကြာညိုလေ့ နီကောင်းရေဝါ။

Continue reading

19Jan/16

“ရခိုင်ပြည်ထဲက ဆင်းရဲမွဲတေမှုနန့် ဒုက္ခပေါင်းစုံကို ဇာပိုင်တိုက်ဖျက်လားကတ်ဖို့ လဲ”

ဒေ ၂၀၁၅ နှစ် စက်တင်ဘာလ ၂၅ ရက်နိန့် မှာ နိုင်ငံပေါင်း ၁၇၀ က အစိုးရဂေါင်းဆောင်တိ တက်ရောက် လာကတ်ဖို့  ကမ္ဘာ့ထိပ်သီးရို့ တွိဆုံဆွေးနွေးပွဲကြီးတခုကို ကမ္ဘာ့ကုလသမဂ္ဂအဖွဲ့ ချူပ်ကြီးကဦးဆောင်ပနာ ကျင်းပလားဖို့ ဟိနိန်ပါရေ။ အဓိကဆွေးနွေးလားကတ်ဖို့ အကြောင်းအရာက တာရှည်ခိုင်ခန့် ရေတိုးတက်ရေး ပန်းတိုင်တိ (Sustainable Development Goals) ကို ချမှတ်ကျင့်သုံးပြီးကေ ကမ္ဘာ့ရွာထဲက ဆင်းရဲမွဲတေမှု ကို တိုက်ဖျက်လားရေးပင် ဖြစ်တေ။ လာဖို့  သက္ကရာဇ် ၂၀၃၀ မှာ ဆိုးရွားလွန်းရေဆင်းရဲမွဲတေမှုတိကို အပြီး တိုင်အဆုံးသတ်လားနိုင်ဖို့  မျှော်မှန်းချက်နန့်  ဥပဒေတိပြဌါန်းပနာစီမံကိန်းတိရီးဆွဲအကောင်အထည်ဖော် လားကတ်ဖို့  ဒေအစီအစိုင်ကြီးက စိတ်ဝင်စားဖို့ ကောင်းရေပိုင် ဆင်းရဲတွင်းနက်နိန်ကတ်ရရေ ကမ္ဘာ့ ဆင်းရဲသားနင်းပြားကုန်းရီစုတ်ရို့  အတွက်လေ့ အေကိစ္စစွာ စိတ်ကူးယိုင်အားကိုးချင်စရာ မက်လုံးတခု ဖြစ်လာစွာ အမှန်ပါ။ ယေကေလေ့ အေပေါ်လဆီကို လက်တွိအကောင်အထည်ဖော်လာကတ်တေခါ အဂေါင့်ပင်လေ့ လာဖို့  ၂၀၃၀ ခုနှစ်မှာ ကမ္ဘာ့ရွာထဲက ဆင်းရဲတွင်းနက်နိန်မှုတိ ပပျောက်လားပနာ လူတိုင်းစွာ ရီခဲတိုက်တာတိဝယ်နိုင် အစားအသောက်ကောင်းတိစားနိုင်ပြီးကေ ၀င်ငွေတိလေ့မြင့်လာ ကတ်အောင်လုပ်လားဖို့  ဆိုစွာက လေ့လာဆန်းစစ်ကြည့်ဖို့ ကောင်းရေ အကြောင်းအရာ တခုဖြစ်ပါ လတ်ပါရေ။

Continue reading

“ရက္ခိတရို့ ဘုံဝါဒ”

နိုင်ငံရေးဦးကျိုးလားရခြင်းနန့် တတူ အချူပ်အခြာအာဏာပါကျရှုံးလားရခြင်း၏ဆိုးကျိုးတိကြောင့် အနာတရယိုင်ကျေးမှု နန့် အစိုင်ပျက်လူ့ ဘောင်ဖြစ်ပါလတ်တေရခိုင်လူမျိုးရို့ ၏ ရာစုနှစ်စုကျော်ကျွန်ဖြစ်လာရခြင်းသံသရာကို နိဂုံးချူပ်အဆုံးသတ် နိုင်ဖို့  ဇာချင့်တိအရေးတကြီးလုပ်လားဖို့ လိုအပ်နိန်ပါလေ။ အမျိုးသားလွတ်မြောက်ရေးလှုပ်ရှားမှုကြီးကိုဆင်နွဲပနာ

အချူပ် အခြာအာဏာပိုင် ရခိုင်အမျိုးသားနိုင်ငံတော်ကို ပြန်လို့  တည်ဆောက်ပြီးကေ ရခိုင်ပြည်သူပြည်သားအားလုံးရို့ ၏ အသက် အိုးအိမ်စည်းစိမ်နန့် ဘ၀လုံခြုံမှုကို အာမခံချက်ပီးနိုင်ရေ တိုးတက်ဖွံ့ ဖြိုးခြင်းတိနန့်  ခေတ်သစ်တိုင်းပြည်ထူထောင်လားနိုင် ဖို့  အခြီခံနိုင်ငံရေးလမ်းစိုင်ဖြစ်တေ “ရက္ခိတရို့ ဘုံဝါဒ” လိုအပ်တေလို့ မြင်ရေ။ ဇာနိန်ရာဇာအရပ်ဒေသကိုပင်ရောက်ရောက် ဇာအလုပ် ကိုပင်လုပ်လုပ် ဇာအဖွဲ့ အစည်းမှာပင် တာဝန်ထမ်းဆောင်ဆောင် သီးခြားလွတ်လပ်တေ အချူပ်အခြာအာဏာ ပိုင်ရခိုင်အမျိုးသားနိုင်ငံတော်ကို ပြန်ပနာထူထောင်လားရေး ဆိုရေ နိုင်ငံရေးသဘောတရားလမ်းစိုင်ကို ရခိုင်သား ရခိုင်သမတိုင်း ယုံကြည်စွဲကိုင်အကောင်အထည်ဖော်လားခြင်းစွာ ရက္ခိတရို့ ဘုံဝါဒကို ကျင့်သုံးခြင်း လို့ အဓိပ္ပါယ်ဖွင့်ဆို နိုင်ရေ။

Continue reading

19Jan/16

“ရခိုင်ပြည်ထဲက ဗမာကျူးကျော်သူရို့ ကို ဇာပိုင်နှင်ထုတ်လားကတ်ဖို့ လဲ”

ဒေကမ္ဘာမြီထက်မှာ ကြီးနိုင်ငယ်ညှဉ်း တောရိုင်းဝါဒနန့် ကျူးကျော်နယ်ချဲ့  ဂုတ်သွီးစုပ်နိန်ခကတ်တေ ပေါ်တူဂီ၊ ဒတ်ခ်ျ့ ၊ စပိန်၊ ပြင်သစ်၊ အင်္ဂလိပ်နန့် အမေရိကန်ရို့ ၏ကိုလိုနီအင်ပါယာ

နယ်ပယ်တိအားလုံး နိဂုံးချူပ်လားခရရေ။ အဂုပိုင် အဆုံးသတ်နီဝင်လားခြင်းစွာ အေကိုလိုနီနယ်ချဲ့ ရို့  အသိတရားရလာလို့  လူလူချင်းဂုတ်သွီးစုပ်ခြင်းစွာ မကောင်းဆိုရေ စာနာစိတ်တိဝင်လားလို့  မဟုတ်ပါ။ အအုပ်ချူပ်ခံ ပြည်သူလူထုမှာ သွီးစစ်တေအမျိုးသားရီးဝါဒတိ နိုးထလာကတ်လို့  မဟုတ်မမှန်မတရားစွာတိကို လုံးဝလက်မခံနိုင်ဗျာယ် ဆိုရေ အမျိုးသားဆင်ခြင်တုံတရားတိနိုးကြားလာကတ်ပြီးကေ အမျိုးသားလွတ်မြောက်ရီးလှုပ်ရှားမှုတိကို လက်နက်စွဲကိုင်တော်လှန်တိုက်ပွဲဝင်ဆင်နွဲလာကတ်ခြင်းကြောင့်ပင် ဖြစ်ပါရေ။

Continue reading

“ဇာပိုင်လုပ်လားကတ်ဖို့ လဲ”

၁၉၇၀ ပြည့်လွန် ၀န်းကျင်ကာလက ရခိုင့်တော်လှန်ရီးဂေါင်းဆောင် စာပီပညာသျှင် တက္ကသိုလ်ဆရာ နိုင်ငံရီးသုတေသီ ဆရာစံကျော်ထွန်းရေ “ငါရို့ တိ ဇာလုပ်ကတ်ဖို့ လဲ (What shall we do?”) လို့ ရခိုင်သားတိကို မီးခွန်းထုတ်ခပနာ နယ်မြီလုကျူးကျော်ဗိုလ်ကျ သူရို့ ကို ဆန့် ကျင်ရေ ဒေသခံရို့ ၏လွတ်လပ်ရီးစစ်ပွဲ (၀ါ) အမျိုးသားတော်လှန်ရီး (a war of independence of natives against alien conquerors or national revolution) ဆင်နွဲရဖို့ လို့  တိုက်တွန်းအကြံပီးခပါရေ။ အဂု ရက္ခိုင့်တပ်မတော်က ရခိုင်သမိုင်း၏ပြဌါန်းချက်အတိုင်း ရခိုင်လူမျိုး၏တောင်းဆိုချက်နန့် အညီ ရခိုင်လူမျိုး၏ဂုဏ်သိက္ခာနန့် အသက်အိုးအိမ်စည်းစိမ်ကို အကာအကွယ်ပီးလားဖို့  အမျိုးသားတော်လှန်ရီးကို ရှိတန်းကဦးဆောင်ပနာ တိုက်ပွဲဝင်နိန်ပါရေ။ သမိုင်းစိုင်ဆက် အညံ့မခံ တွန်းလှန်ပါလတ်တေ ဗမာနယ်ချဲ့ ဆန့် ကျင်တော်လှန်ရီးနန့်  ရခိုင်အမျိုးသားလွတ်မြောက်ရီးလှုပ်ရှားမှုကြီးမှာ ဘာရိန်းဘုရင် ဗိုလ်ချင်းပြန်ခေတ်ကပိုင် စစ်အင်အားအတောင့်တင်းဆုံးနန့်  သမိုင်းစာမျက်သစ်ရီးထိုးမော်ကွန်းတင်နိန်ရေ ရက္ခိုင့်တပ်မတော်နန့် လက်တွဲပနာ ရခိုင်တမျိုးသားလုံး ဗမာကျူးကျော်သူရို့ ကို ဇာပိုင်နှိမ်နင်းလားကတ်ဖို့ လဲ (How are we going to defeat Burman invaders?)။

Continue reading