Category Archives: ဆောင်းပါး

RakhaRazu articles

23Jul/17

“ရယ်ဒီကယ်ရို့  ကယ်ထားရေ ကမ္ဘာ”

“ရယ်ဒီကယ်ရို့  ကယ်ထားရေ ကမ္ဘာ”


လူမျိုးပေါင်းစုံနိန်ရေ မြန်မာနိုင်ငံမှာ ဖယ်ဒရယ်သမားလေ့ မဟိရေပိုင် လေဘရယ်သမားလေ့ မဟိပါ။ ဖယ်ဒရယ်ဝါဒကို ကြိုက်တေ ဖယ်ဒရယ်စနစ် ဖြစ်လာစီချင်ရေ လူတိနန့်  လေဘရယ်ဒီမိုကရေစီ အကြောင်းကို ဖတ်ဖူးရေ လေဘရယ်ဒီမိုကရေစီလိုချင်ရေ လူတိရာ ဟိကတ်ပါရေ။ “ဒီမို” လို့  နာမေခံထားရေ အန်အယ်လ်ဒီ ဗမာအုပ်စု အစိုးရ ဖြစ်လာခါမှ နိုင်ငံတကာက သတ်မှတ်ပြဌါန်းပီးထားရေ ဒီမိုကရေစီ၏စံနှုန်းတန်ဖိုးတိ အားလုံး ယိုယွင်းပျက်သုဉ်းပနာ ဇာဖြစ်လို့  ဗမာပဒေသရာဇ်စစ်ဝါဒနောက်ကို လှည့်ပြန်လားခရစွာပါလဲ။ အဖြေက ဒေ ဗမာဒေါင်းတိစွာ ဒီမိုကရက်အစစ်တိ မဟုတ်ကတ်လို့ ပင် ဖြစ်ပါရေ။ ရီကူးသင်နည်းစာအုပ်ဖတ်ပနာ ရီကူးတတ်တေလို့  ထင်လားပြီးကေ အဂေါင့်ဂေါင့် ချောင်းထဲကို ရီဆင်းကူးရေခါ မြှုပ်သီလားရရေ အဖြစ်မျိုးစွာ အဂုလက်ဟိ ဒီမိုကရေစီလို့ နာမေခံထားရေ အောက်သားအုပ်ချူပ်ရီး ကြုံတွိနိန်ရရေ အလုံးစုံပျက်သုဉ်းခြင်းနန့်  တူနိန်ပါရေ။ Continue reading 
Share
23Jul/17

“မိုးကောင်းရေပိုင် တိုက်ပွဲတိလည်းကောင်းလာနိုင်ရေ”

"မိုးကောင်းရေပိုင် တိုက်ပွဲတိလည်းကောင်းလာနိုင်ရေ"


Algebric Geometry အက်ဂျီဘရာ-ဂျီအော့မက်ထရီ (သချာင်္ ၂) မှာ "Theoryသီအိုရီတိကို 
သက်သီပြဖို့ Postulate ပေါ်စကျူလိတ်တိလိုရေ" ဆိုစွာကိုသင်ခရရေ။ ဥပမာ။ ။မျဉ်းပြိုင်နှစ်ကြောင်းကို ဖြတ်မျဉ်းတစ်ကြောင်းကဖြတ်ရေအခါ ယင်းမျဉ်းပြိုင်နှစ်ကြောင်း အထဲကဖြတ်မျဉ်း၏အတွင်းထောင့်နန့် အပြင်ထောင့်စွာ ဒီဂရီတူရေ။ Continue reading 
Share
15Jun/17

“ရခိုင်သမိုင်းသစ် ရွီးခြင်း”

ဆင်ခြင်တုံတရားမှာ အခြီခံမထားရေ သမိုင်းအနက်ဖွင့်မှုစွာ ဆင်းရဲတွင်းနက် ဒုက္ခဆိုက်နိန်ရေ လူ့ဘောင်ကို ထပ်လို့  မုန်းတိုင်းတိုက်ပီးစွာနန့် တူနိန်ဖို့ ။

“ဇာသူ ဇာပိုင်ပင်ပြောပြော ဇာပိုင်ပင် သိက္ခာချချ ဇာပိုင်ပင် စုတ်ပီစုတ်ပရွီးရွီး ဇာပိုင်ပင်သမိုင်းမျက်ပေါက် ကျကျိုင်းချေနန့်  အနက်ဖွင့်ဖွင့် အေချင့်စွာ ငါရို့  အဖိုးအဖီးတိ ဆင်နွဲခရေ တော်လှန်ရီး…. ငါရို့ ဘိုးဘေးဘီဘင်ရို့ ယုံကြည်မှုနန့် ဖော်ဆောင်ခရေ အပြောင်းအလဲ… အေချင့်စွာ ငါရို့ တန်ဖိုး …. ငါရို့ တိမြတ်နိုးကတ်ရဖို့ …” လို့ ပြင်သစ် ပညာရီးဝန်ကြီးက ပြောခပနာ ပြင်သစ်တော်လှန်ရီးနိ ကို နိုင်ငံတော်ရုံးပိတ်ရက်အဖြစ်သတ်မှတ်ပြီးကေ ပြင်သစ်တနိုင်ငံလုံး အခမ်းအနားဂုဏ်ပြုပွဲလုပ် ကျင်းပကတ်တေ။ Continue reading

Share
30Apr/17

“အချိန်ဆွဲခြင်းဆိုင်ရာ စိတ်ဓါတ်စစ်ဆင်ရီးပညာ”

ကမ္ဘာ့နိုင်ငံရီးသမိုင်းကို လေ့လာကြည့်လိုက်ကေ ကိုလိုနီအုပ်ချူပ်ရီးကို သက်တမ်းတိုးလားနိုင်ဖို့  နယ်ချဲ့ ကျူးကျော်သူရို့  စွာ ပုံစံအမျိုးမျိုးနည်းလမ်းအသွယ်သွယ်နန့်  အချိန်ဆွဲထားရေ စိတ်ဓါတ်စစ်ဆင်ရီးပညာကို အသုံးချခကတ်စွာကို တွိရရေ။ အင်္ဂလိပ်နယ်ချဲ့ ရို့  ကိုလိုနီလုပ်ခရေ ကာလက မက်လုံးအမျိုးမျိုးပီးပနာ လက်ဝါးကြီးအုပ်ဂုတ်သွီးစုပ်ချယ်လှယ်ခကတ်စွာကို ကြည့်ကေ ပညာရီး၊ စီးပွါးရီးမက်လုံးတိ အပြင် နိုင်ငံရီးအရပါ စက္ကူဖြူစီမံကိန်း၊ ဟုမ်ရူး (Home Rule) စရေ မဟာဗျူဟာတိကို ကျင့်သုံးခကတ်စွာကို လားတွိရရေ။ အင်္ဂလိပ်ခေတ်မှာ ဗမာလူမျိုးကို မြန်မာနိုင်ငံ၏ဘုရင်ခံ ခန့် ထားခရေပိုင် အဂုလေ့ ရခိုင်သားဦးညီပုကို ရခိုင်ပြည်မှာ ၀န်ကြီးချူပ်ခန့် ပီးထားစွာကို ကြည့်ကေ ကိုလိုနီစနစ်စိတ်ဓါတ်စစ်ဆင်ရီးက အဂုထိအသက်ဝင်နိန်သိမ့်ရေလို့ ပြောရဖို့ ။ Continue reading

Share
03Apr/17

“အရင့်ပညာ”

နိုင်ငံရီးစွာ တိုင်းပြည်နိုင်ငံတည်ဆောက်ခြင်း (၀ါ) ပြည်သူလူထုကို အကောင်းဆုံးဝန်ဆောင်မှုပီးခြင်း အနုပညာဆိုကေ တော်လှန်ရီးစွာ လူမျိုးတစ်မျိုး၏ကျွန်ဖြစ်နိန်ရေဘ၀ကို အဆုံးသတ်လိုက်ခြင်း (၀ါ) လွတ်လပ်ရီးကို လက်နက်နန့်  ဆွတ်ခူးခြင်း “အရင့်ပညာ” လို့  အဓိပ္ပါယ်ဖွင့်ကြည့်ချင်ပါရေ။ ကမ္ဘာမှာ လူဦးရေအများဆုံး လူ့ အဖွဲ့ အစည်းကို ကမ္ဘာ့စံ ၀င်လူတန်းစိနိန်နိုင်အောင် စွမ်းဆောင်ပီးပစ်ခရေ တရုတ်ပြည်သူ့ သမ္မတနိုင်ငံ၏ကျေးဇူးသျှင်ကြီး မော်စီတုန်း ကတော့ကေ အချူပ်အခြာနန့် နိုင်ငံရီးအာဏာစွာ သီနတ်ပြောင်းဝက ထွက်ကျပါရေ လတ်။ သူထောက်ပြခရေ အဓိက ပွိုင့်က နိုင်ငံရီး ဆိုရေ အနုပညာကို လုပ်လားဖို့  တော်လှန်ရီးဆိုရေ အရင့်ပညာကို အုတ်မြစ်ချရကြောင်းပင် ဖြစ်တေ။ ယေပြီးကေ ကျွန်ဖြစ်နိန်ရရေ လူမျိုးတစ်မျိုးအတွက် တော်လှန်ရီးနန့် နိုင်ငံရီးစွာ ဒင်္ဂါးတစ်ပြားက မျောက်နန့် ပန်းပိုင် ခွါထားလို့ မရရေ တခုကိုလုပ်ကေ နောက်တခုကိုချန်ထားလို့ မရရေ အရာတိပင်ဖြစ်ကြောင်း လမ်းပြထားပီးခပါရေ။ တခုနန့် တခု ဆက်စပ်နိန်ရေ တော်လှန်ရီးနန့် နိုင်ငံရီးကို ဟန်ချက်ညီညီ လက်တွဲလားနိုင်ရေ ဂေါင်းဆောင်တိက နိုင်ငံရီး အဆောက်အအုံကို ကြီးကျယ်ခန့် နားခေတ်မီအောင် တည်ဆောက်ထားနိုင်ကတ်စွာကို လားတွိရပါရေ။

Continue reading

Share
12Dec/16

“တော်လှန်ရီးမှတ်ကျောက်တိုက်ပြီးခါမှရာ”

ရွှီ စစ်မစစ်ကို မှတ်ကျောက်တိုက်ကြည့်ရရေပိုင် ကမ္ဘာ့ရွာမှာလူရာဝင်ပနာခေတ်မီတိုးတက်ဖွံ့ ဖြိုးရေမော်ဒန်နိုင်ငံဖြစ်လာဖို့  က အမျိုးသားလွတ်မြောက်တော်လှန်ရီးကို ဖြတ်သန်းကတ်ရရေ။ ဂနိကမ္ဘာကြီးမှာ ဖွံ့ ဖြိုးပြီးတိုင်းပြည်နိုင်ငံတိုင်းကို လေ့လာ ကြည့်လိုက်ကေ အမျိုးသားလွတ်မြောက်တော်လှန်ရီးကို အောင်မြင်အောင်ဆင်နွဲလာခကတ်ပြီးမှရာ တိုးတက်ဖွံ့ ဖြိုးရီး လမ်းမထက်ကို တက်လာနိုင်ကတ်စွာကို လားတွိရရေ။ တိုင်းပြည်နိုင်ငံတိ လွတ်လပ်တိုးတက်ဖွံ့ ဖြိုးဖို့  အောက်ခြီကျကျ အပြောင်းအလဲလုပ်ပီးနိုင်ရေ တော်လှန်ရီးကလွဲကေ တခြားဖြတ်လမ်းမဟိလို့ ပြောရပါဖို့ ။

Continue reading

Share
27Jul/16

ပြာတစ်ဆုပ်နန့် လူလုပ်လို့ ရဖို့ လား

ဒုတိယကမ္ဘာစစ်အလွန် ဥရောပမှာ လူဦးရေသန်းချီသီပနာ တိုင်းပြည်တိစွာ ပြာပုံဘ၀ကိုရောက်လားခကတ်တေ။ လူသားအရင်းအနှီး (Human Capital) နန့်  ရုပ်ဝတ္ထုအရင်းအနှီး (Physical Capital) တိ မဟိရေ ဒေပိုင်အခြေအနေမှာ တိုင်းပြည်ကိုပြန်ပနာထူထောင်ဖို့ ဆိုစွာရေ တချို့ လူတိအတွက် ဂေါင်းထဲမှာထည့်ပြီးကေတောင် မစိုင်းစားဝံ့ရေ ကိစ္စရပ်တခု ဖြစ်နိန်ပါဖို့ ။ ဗမာရောဂါရပနာ ကျွန်စိတ်ပေါက်နိန်ရေ ရခိုင်သားတတိုင်ကိုလားမိန်းကြည့်ခီကေတော့ တခုပိုင်လေ့မဖြစ်နိုင်ပါလို့  အဖြေပီးလာဖို့ စွာက ကျိန်းသီနိန်ပါရေ။

Continue reading

Share
26Jun/16

Change @ Chance @ Choice အပြောင်းအလဲ၊ အခွင့်အရီး နန့် ရွီးချယ်ခြင်း

Change begins with choice.အပြောင်းအလဲကိုရွီးချယ်ခြင်းနန့်စတင်ပါ။ ဆိုခါ ကျနော်ရို့ မှာ ရွီးချယ်စရာ များများစားစားဟိလား။မဟိပါ။ ယေဇုနန့် ရွီးချယ်ခွင့်မဟိရေလူမျိုးတစ်မျိုးအတွက်လက်ဟိပိုင်ဆိုင်ထားရေပိုင်ဆိုင်မှုတိနန့် စဖို့လိုပါရေ။ ကျနော်ရို့ ရခိုင်တိမှာ ပိုင်ဆိုင်ထားစော် ဇာချင့်ပါလဲ။ သီချာပါရေ။ ရခိုင်လူမျိုး(ရခိုင်သည်တိုင်းရင်းသားမဟုတ်ပါ)တိအတွက် လက်ဟိပစ္စုပ္ပန် မှာပိုင်ဆိုင်ထားစွာက လူရိုသီရှင်ရိုသီ ယူအလ်အေ/အေအေ ULA/AA ရာဖြစ်လီဖို့။ အခြားတော့ ဆကေတဗွီ ဟိပါလိမ့်မယ်။ Continue reading

Share
16Jun/16

“အိုင်ဒီယာကြီးသုံးခုနန့် ရခိုင့်အနာဂတ်”

ဒေကမ္ဘာမြီထက်မှာ ရီနံနန့် သဘာဝဓါတ်ငွိတိကို ပိုင်ဆိုင်ထားကတ်တေ တိုင်းပြည်နိုင်ငံတိုင်းစွာ ချမ်းသာကြွယ်ဝဖွံ့ ဖြိုး တိုးတက်ကတ်တေ။ ရီနံနန့် သဘာဝဓါတ်ငွိစွာ ကမ္ဘာ့လူ့ ဘောင်နန့် စီးပွါးရီးကို မောင်းနှင်လည်ပတ်ဖို့ မဟိမဖြစ်လိုအပ်တေ စွမ်းအင်ဖြစ်နိန်ရေပိုင် ဒေသဘာဝရင်းမြစ်တိက လက်မူလယ်ယာကနိန် စက်မှုလယ်ယာ… လက်လုပ်ထုတ်ကုန်ကနိန် စက်မှုထုတ်ကုန် …. ရှိရိုးစိုင်လာ ပညာရီးကနိန် ကွန်ပျူတာအခြီခံပညာရီးတိကို ပြောင်းလဲပီးနိုင်ရေ ဆတိုးတန်ဖိုး ဟိနိန်ရေခါ ရီနံနိုင်ငံတိစွာ နှစ်ပေါင်း ၂၀ ကာလထဲမှာ လုံးဝပြောင်းလဲခေတ်မီလားကတ်စွာကို တွိရရေ။ Continue reading

Share
04Jun/16

“ရခိုင်ရို့ နိုင်ငံရီးရပ်တည်မှုက ဇာချင့်လဲ”

ဂနိကာလ ရခိုင်မျိုးဆက်သစ်လူငယ်ချေတိကြားနန့် ဝါရင့်သမ္ဘာရင့်ရခိုင်နိုင်ငံရီးသမားရို့ ကြားထဲမှာပါ နိုင်ငံရီးရပ်တည်မှု နန့် ပတ်သက်လို့  ဒွိဟခွဆုံကို ရောက်နိန်ကတ်ကြောင်း တွိလာရရေ။ အမျိုးသားကိုယ်ပိုင်ပြဌါန်းခွင့် နန့် နိုင်ငံရီး အခွင့်အရီးတိရလာဖို့  တဆင့်ပြီးကေတဆင့် ရခိုင်ရို့ ဇာလုပ်လားရဖို့ လဲ ဆိုစွာကို ရှင်းရှင်းလင်းလင်းသိထားဖို့  ဂနိခေတ်ကာလရခိုင်ရို့ နိုင်ငံရီး ရပ်တည်မှုက ဇာချင့်လဲ၊ နိုင်ငံတကာဥပဒေတိအတိုင်း တရားဝင်နိုင်ငံရီးအခွင့်အရီးတိနန့်  ဇာပိုင်တိုက်ပွဲဝင်လားလို့ ရလဲ ဆိုစွာကို အယင်ဆုံးသိထားဖို့ လိုအပ်လာပါရေ။

Continue reading

Share