၂၀၁၇-နိုဝင်ဘာလ (၁/၂) ရက် ရခိုင်ပြည်တိုက်ပွဲသတင်း

၂၀၁၇-နိုဝင်ဘာလ (၁/၂) ရက် ရခိုင်ပြည်တိုက်ပွဲသတင်း

၂၀၁၇ ခုနှစ်၊ နိုဝင်ဘာလ (၁) ရက်နေ့တွင် ရခိုင်-အိန္ဒိယနယ်စပ်အနီး၌ ရက္ခိုင့်တပ်မတော်၏ တပ်မဟာ (၃) နှင့် ဗမာစစ်တပ်၏ စကခ ( ၉) လက်အောက်ခံ-ကျောက်တော်အခြေစိုက်တပ်ရင်း ( ၃၇၆) <သို့မဟုတ်> မြောက်ဦးအခြေစိုက်တပ်ရင်း(၃၇၈) တို့နှင့်ထိတွေ့ရင်ဆိုင်တိုက်ခိုက်မှုဖြစ်ပွားခဲ့သည်။

တိုက်ပွဲသည် ရခိုင်-အိန္ဒိယနယ်စပ်အနီး၊ ကုန်ပြင်ကျေးရွာ (Kung Byin) အနောက်ဖက်(၂) ကီလိုမီတာ အကွာ အဝေးရှိ “ဆမန်းတလန်” (Sa Mang T Lang) တောင်တန်းပေါ်၌ ညနေ (၄) နာရီ (၁၅) မိနစ်မှ (၆) နာရီခန့် အထိ (၁) နာရီ မိနစ် (၄၅) မိနစ်ကြာတိုက်ပွဲဖြစ်ပွားခဲ့သည်။

ရန်သူသည် မိမိတို့တပ်စခန်းရှိရာနေရာသို့ ကျူးကျော်ဝင်ရောက်လာသောကြောင့် တိုက်ပွဲဖြစ်ပွားရခြင်းဖြစ်သည်။ ရန်သူ့ဖက်မှ အရာရှိအပါအဝင်အခြားအဆင့်များကျဆုံးသူများရှိသကဲ့သို့ထိခိုက်ဒဏ်ရာရသူများလည်း အများအပြားရှိခဲ့သည်။

ရန်သူသည် အထိနာ၍ဆုတ်ခွာထွက်ပြေးသွားပြီးနောက် ညနေ (၉) နာရီမှ (၁၀) နာရီအထိ မိမိတို့တပ်ဖွဲ့ဝင်များရှိသည်ဟု ထင်မှတ်သည့်နေရာများသို့ လက်နက်ကြီးများဖြင့် ရမ်းသန်းပစ်ခတ်တိုက်ခိုက်ခဲ့သည်။

ယနေ့နိုဝင်ဘာလ (၂) ရက်၊ နံနက် (၇) နာရီမှ (၈)နာရီအထိလည်း လက်နက်ကြီးများဖြင့် ရမ်းသန်းပစ်ခတ် တိုက်ခိုက်နေမှုများရှိခဲ့သကဲ့သို့ကြိုကြားကြိုကြားပစ်ခတ်တိုက်ခိုက်မှုများလည်းရှိခဲ့သည်။ ထို့အတူထပ်မံတက်လာသည့် ရန်သူ့တပ်များနှင့် ည (၈)နာရီ(၄၅) မိနစ်မှစ၍ယခုအချိန်အထိတိုက်ပွဲများပြင်းထန်လျှက်ရှိသည်။

ဗမာစစ်တပ်သည် ဘင်္ဂလီအကြမ်းဖက်နှိမ်နင်းရေး ခေါင်းစဉ်အားခုတုံးလုပ်အသုံးချကာ ၎င်းကိစ္စအားအကြောင်းပြပြီးမိမိတို့ ရက္ခိုင့်တပ်မတော်တပ်ဖွဲ့များအဓိက လှုပ်ရှားသည့်နေရာများသို့ ထိုးစစ်ဆင်ချေမှုန်းရေးလုပ်ငန်းများကိုပြုလုပ်လာနေသောကြောင့် နောက်ထပ်စစ်မီးများပိုမိုတောက်လောင်လာနိုင်ဖွယ်ရှိသလို တိုက်ပွဲများလည်းပိုမိုပြင်းထန်လာနိုင်ဖွယ်ရှိသည်။

ရန်သူသည် တိုက်ပွဲဖြစ်ပွားရာနေရာသို့် စစ်ကူများ၊လက်နက်ကြီးများကို ထပ်မံပို့ဆောင်နေသောကြောင့် နောက်ထပ်တိုက်ပွဲများဆက်လက်ဖြစ်ပွားလာနိုင်ဖွယ်ရှိသည်။ ထို့ကြောင့် တိုက်ပွဲများထပ်မံဖြစ်ပွားလာပါက ၎င်းစစ်မီးကိုပိုမိုတောက်လောက်စေလိုသောမိမိတို့အားစတင်တိုက်ခိုက်လာသည့် “ဗမာစစ်တပ်” သာလျှင်အဓိကတရားခံဖြစ်သည်။

ရက္ခိုင့်တပ်မတော်အနေဖြင့် မိမိတို့အားတိုက်ခိုက်လာနေမှုများကို အကောင်းဆုံးအနေအထားဖြင့် ပြန်လည်ခုခံ တိုက်ခိုက်သွားမည်ဖြစ်သည်။

သတင်းနှင့်ပြန်ကြားရေး
ရက္ခိုင့်တပ်မတော်

Share

Leave a Reply

Your email address will not be published. Required fields are marked *