All posts by Khaing Aung Aung

04Apr/19

မထူးဇာတ်

“မထူးဇာတ်”
========

“နတ်ပြည်ဖြစ်ဖြစ် ငရဲပြည်ဖြစ်ဖြစ်
လာကတ်
အမှောင်ထဲကို ခုန်ချကတ်မေ
မသိမှုချောက်ထဲမှာ
အသစ်ဟိဖို့ စွာ ကျိန်းသီရေ” လို့ 
ပြောခရေ မော်ဒန်ကဗျာဆရာတစ်ယောက်စကား…၊

Continue reading
13Mar/19

ဖြတ်လေးဖြတ် ဖျက်လေးဖျက်နှင့် ဗမာကျူးကျော်သူတို့ ရက်စက်ခြင်း

ဗမာအစွန်းရောက်ဝါဒကို ဆုပ်ကိုင်ပြီး လူမျိုးရေးအမုန်းတရားများနှင့် အာဏာရဗမာအဆက်ဆက်သည် ဗမာမဟုတ်သည့် လူမျိုးများ၏နယ်မြေများကို ကျူးကျော်သိမ်းပိုက်ကာ ဖြတ်လေးဖြတ် ဖျက်လေးဖျက်ဗျူဟာများကို ကျင့်သုံးပြီး သရဲသဘက်ဘီလူးဓါးပြများသဘွယ် ရက်စက်ကြမ်းကြုတ်လာနေခဲ့ကြသည်။ Continue reading

03Feb/19

ဗမာပြဿနာ

ဗမာပြဿနာ
========

ရခိုင်ပြဿနာလို့  နာမေတပ်ပုံဖော်နိန်ခြင်းအားလုံးစွာ ဗမာကရခိုင်ပြည်ကို မတရားကျူးကျော်နယ်ချဲ့ ပနာ ဂုတ်သွီးစုပ်ဖျက်ဆီးနိန်လို့  ဗမာတပ်က ဒမြတိုက်သောင်းကျန်းနိန်လို့  ဖြစ်လာရရေ ပြဿနာတိရာ ဖြစ်တေ။ အမှန်က ဗမာပြဿနာ ရာဖြစ်တေ။ ဗမာတိ ဖန်တီးမှုကြောင့် ဖြစ်နိန်ရရေ ပဋိပက္ခတိရာ ဖြစ်တေ။ အရပ်သားအစိုးရလို့ နာမေခံထားရေအဖွဲ့ စွာလေ့ အာကာထက်ကလူးကျလာရေခွီးတိ (မိုးကျခွီး) နန့် ဖွဲ့ ထားရေ အဖွဲ့ အစည်းမဟုတ်…. ဗမာတိနန့် ဖွဲ့ ထားပနာ ဗမာက ကြိုးကိုင်ချယ်လှယ်နိန်ရေအဖွဲ့ ရာ ဖြစ်တေ။ စစ်အာဏာသျှင်စနစ်ဆိုစွာကလေ့ ဂျာမန်နာဇီ၊ ဂျပန်ဖက်ဆစ်၊ အင်္ဂလိပ်ကိုလိုနီစနစ်မဟုတ်… ဗမာစစ်သွီးကြွစစ်ရာဇ၀တ်ကောင်တိက မောင်းနှင်လည်ပတ်ကျင့်သုံးလားနိန်ရေ ဗမာစစ်အာဏာသျှင်စနစ်ရာ ဖြစ်တေ။ Continue reading

12Jan/19

ရက္ခိုင်လူထုကို မိတ္တာရပ်ခံ ပန်ကြားခြင်း

ရက္ခိုင်လူထုကို မိတ္တာရပ်ခံ ပန်ကြားခြင်း

===========

သမိုင်းတရားခံအန်အယ်လ်ဒီဗမာအစွန်းရောက်အုပ်စုနန့် ကမ္ဘာ့လူထုရန်သူဗမာနယ်ချဲ့ စစ်ရာဇ၀တ်ကောင်တပ်ရေ အပြစ်မဟိရေ ရက္ခိုင်အရပ်သားပြည်သူလူထုကို ဖမ်းဆီးနှိပ်စက်ပေါ်တာဆွဲ လူသားဒိုင်းကာအဖြစ်သုံး ဒမြတိုက်သတ်ဖြတ် ကျေးရွာတိကိုမီးတိုက် စစ်ဖီးရှောင်အကူအညီတိကိုပိတ်ဆို့  တားဆီးနိန်ခြင်းတိစရေ ကမ္ဘာ့အဆိုးဆုံးစစ်ရာဇ၀တ်မှုတိကို ကျူးလွန်နိန်ခြင်းက ဂျနီဗာကွန်ဗင်းရှန်း၊ ရောမဥပဒေပြဌါန်းချက် နန့် တခြားနိုင်ငံတကာဥပဒေတိ (the Geneva Conventions, Rome Statute and other international laws) ကို ချိုးဖောက်နိန်ခြင်းပင် ဖြစ်ပါရေ။ Continue reading

23Jul/17

“ရယ်ဒီကယ်ရို့  ကယ်ထားရေ ကမ္ဘာ”

“ရယ်ဒီကယ်ရို့  ကယ်ထားရေ ကမ္ဘာ”


လူမျိုးပေါင်းစုံနိန်ရေ မြန်မာနိုင်ငံမှာ ဖယ်ဒရယ်သမားလေ့ မဟိရေပိုင် လေဘရယ်သမားလေ့ မဟိပါ။ ဖယ်ဒရယ်ဝါဒကို ကြိုက်တေ ဖယ်ဒရယ်စနစ် ဖြစ်လာစီချင်ရေ လူတိနန့်  လေဘရယ်ဒီမိုကရေစီ အကြောင်းကို ဖတ်ဖူးရေ လေဘရယ်ဒီမိုကရေစီလိုချင်ရေ လူတိရာ ဟိကတ်ပါရေ။ “ဒီမို” လို့  နာမေခံထားရေ အန်အယ်လ်ဒီ ဗမာအုပ်စု အစိုးရ ဖြစ်လာခါမှ နိုင်ငံတကာက သတ်မှတ်ပြဌါန်းပီးထားရေ ဒီမိုကရေစီ၏စံနှုန်းတန်ဖိုးတိ အားလုံး ယိုယွင်းပျက်သုဉ်းပနာ ဇာဖြစ်လို့  ဗမာပဒေသရာဇ်စစ်ဝါဒနောက်ကို လှည့်ပြန်လားခရစွာပါလဲ။ အဖြေက ဒေ ဗမာဒေါင်းတိစွာ ဒီမိုကရက်အစစ်တိ မဟုတ်ကတ်လို့ ပင် ဖြစ်ပါရေ။ ရီကူးသင်နည်းစာအုပ်ဖတ်ပနာ ရီကူးတတ်တေလို့  ထင်လားပြီးကေ အဂေါင့်ဂေါင့် ချောင်းထဲကို ရီဆင်းကူးရေခါ မြှုပ်သီလားရရေ အဖြစ်မျိုးစွာ အဂုလက်ဟိ ဒီမိုကရေစီလို့ နာမေခံထားရေ အောက်သားအုပ်ချူပ်ရီး ကြုံတွိနိန်ရရေ အလုံးစုံပျက်သုဉ်းခြင်းနန့်  တူနိန်ပါရေ။ Continue reading 
15Jun/17

“ရခိုင်သမိုင်းသစ် ရွီးခြင်း”

ဆင်ခြင်တုံတရားမှာ အခြီခံမထားရေ သမိုင်းအနက်ဖွင့်မှုစွာ ဆင်းရဲတွင်းနက် ဒုက္ခဆိုက်နိန်ရေ လူ့ဘောင်ကို ထပ်လို့  မုန်းတိုင်းတိုက်ပီးစွာနန့် တူနိန်ဖို့ ။

“ဇာသူ ဇာပိုင်ပင်ပြောပြော ဇာပိုင်ပင် သိက္ခာချချ ဇာပိုင်ပင် စုတ်ပီစုတ်ပရွီးရွီး ဇာပိုင်ပင်သမိုင်းမျက်ပေါက် ကျကျိုင်းချေနန့်  အနက်ဖွင့်ဖွင့် အေချင့်စွာ ငါရို့  အဖိုးအဖီးတိ ဆင်နွဲခရေ တော်လှန်ရီး…. ငါရို့ ဘိုးဘေးဘီဘင်ရို့ ယုံကြည်မှုနန့် ဖော်ဆောင်ခရေ အပြောင်းအလဲ… အေချင့်စွာ ငါရို့ တန်ဖိုး …. ငါရို့ တိမြတ်နိုးကတ်ရဖို့ …” လို့ ပြင်သစ် ပညာရီးဝန်ကြီးက ပြောခပနာ ပြင်သစ်တော်လှန်ရီးနိ ကို နိုင်ငံတော်ရုံးပိတ်ရက်အဖြစ်သတ်မှတ်ပြီးကေ ပြင်သစ်တနိုင်ငံလုံး အခမ်းအနားဂုဏ်ပြုပွဲလုပ် ကျင်းပကတ်တေ။ Continue reading

30Apr/17

“အချိန်ဆွဲခြင်းဆိုင်ရာ စိတ်ဓါတ်စစ်ဆင်ရီးပညာ”

ကမ္ဘာ့နိုင်ငံရီးသမိုင်းကို လေ့လာကြည့်လိုက်ကေ ကိုလိုနီအုပ်ချူပ်ရီးကို သက်တမ်းတိုးလားနိုင်ဖို့  နယ်ချဲ့ ကျူးကျော်သူရို့  စွာ ပုံစံအမျိုးမျိုးနည်းလမ်းအသွယ်သွယ်နန့်  အချိန်ဆွဲထားရေ စိတ်ဓါတ်စစ်ဆင်ရီးပညာကို အသုံးချခကတ်စွာကို တွိရရေ။ အင်္ဂလိပ်နယ်ချဲ့ ရို့  ကိုလိုနီလုပ်ခရေ ကာလက မက်လုံးအမျိုးမျိုးပီးပနာ လက်ဝါးကြီးအုပ်ဂုတ်သွီးစုပ်ချယ်လှယ်ခကတ်စွာကို ကြည့်ကေ ပညာရီး၊ စီးပွါးရီးမက်လုံးတိ အပြင် နိုင်ငံရီးအရပါ စက္ကူဖြူစီမံကိန်း၊ ဟုမ်ရူး (Home Rule) စရေ မဟာဗျူဟာတိကို ကျင့်သုံးခကတ်စွာကို လားတွိရရေ။ အင်္ဂလိပ်ခေတ်မှာ ဗမာလူမျိုးကို မြန်မာနိုင်ငံ၏ဘုရင်ခံ ခန့် ထားခရေပိုင် အဂုလေ့ ရခိုင်သားဦးညီပုကို ရခိုင်ပြည်မှာ ၀န်ကြီးချူပ်ခန့် ပီးထားစွာကို ကြည့်ကေ ကိုလိုနီစနစ်စိတ်ဓါတ်စစ်ဆင်ရီးက အဂုထိအသက်ဝင်နိန်သိမ့်ရေလို့ ပြောရဖို့ ။ Continue reading

12Dec/16

“တော်လှန်ရီးမှတ်ကျောက်တိုက်ပြီးခါမှရာ”

ရွှီ စစ်မစစ်ကို မှတ်ကျောက်တိုက်ကြည့်ရရေပိုင် ကမ္ဘာ့ရွာမှာလူရာဝင်ပနာခေတ်မီတိုးတက်ဖွံ့ ဖြိုးရေမော်ဒန်နိုင်ငံဖြစ်လာဖို့  က အမျိုးသားလွတ်မြောက်တော်လှန်ရီးကို ဖြတ်သန်းကတ်ရရေ။ ဂနိကမ္ဘာကြီးမှာ ဖွံ့ ဖြိုးပြီးတိုင်းပြည်နိုင်ငံတိုင်းကို လေ့လာ ကြည့်လိုက်ကေ အမျိုးသားလွတ်မြောက်တော်လှန်ရီးကို အောင်မြင်အောင်ဆင်နွဲလာခကတ်ပြီးမှရာ တိုးတက်ဖွံ့ ဖြိုးရီး လမ်းမထက်ကို တက်လာနိုင်ကတ်စွာကို လားတွိရရေ။ တိုင်းပြည်နိုင်ငံတိ လွတ်လပ်တိုးတက်ဖွံ့ ဖြိုးဖို့  အောက်ခြီကျကျ အပြောင်းအလဲလုပ်ပီးနိုင်ရေ တော်လှန်ရီးကလွဲကေ တခြားဖြတ်လမ်းမဟိလို့ ပြောရပါဖို့ ။

Continue reading

27Jul/16

ပြာတစ်ဆုပ်နန့် လူလုပ်လို့ ရဖို့ လား

ဒုတိယကမ္ဘာစစ်အလွန် ဥရောပမှာ လူဦးရေသန်းချီသီပနာ တိုင်းပြည်တိစွာ ပြာပုံဘ၀ကိုရောက်လားခကတ်တေ။ လူသားအရင်းအနှီး (Human Capital) နန့်  ရုပ်ဝတ္ထုအရင်းအနှီး (Physical Capital) တိ မဟိရေ ဒေပိုင်အခြေအနေမှာ တိုင်းပြည်ကိုပြန်ပနာထူထောင်ဖို့ ဆိုစွာရေ တချို့ လူတိအတွက် ဂေါင်းထဲမှာထည့်ပြီးကေတောင် မစိုင်းစားဝံ့ရေ ကိစ္စရပ်တခု ဖြစ်နိန်ပါဖို့ ။ ဗမာရောဂါရပနာ ကျွန်စိတ်ပေါက်နိန်ရေ ရခိုင်သားတတိုင်ကိုလားမိန်းကြည့်ခီကေတော့ တခုပိုင်လေ့မဖြစ်နိုင်ပါလို့  အဖြေပီးလာဖို့ စွာက ကျိန်းသီနိန်ပါရေ။

Continue reading

16Jun/16

“အိုင်ဒီယာကြီးသုံးခုနန့် ရခိုင့်အနာဂတ်”

ဒေကမ္ဘာမြီထက်မှာ ရီနံနန့် သဘာဝဓါတ်ငွိတိကို ပိုင်ဆိုင်ထားကတ်တေ တိုင်းပြည်နိုင်ငံတိုင်းစွာ ချမ်းသာကြွယ်ဝဖွံ့ ဖြိုး တိုးတက်ကတ်တေ။ ရီနံနန့် သဘာဝဓါတ်ငွိစွာ ကမ္ဘာ့လူ့ ဘောင်နန့် စီးပွါးရီးကို မောင်းနှင်လည်ပတ်ဖို့ မဟိမဖြစ်လိုအပ်တေ စွမ်းအင်ဖြစ်နိန်ရေပိုင် ဒေသဘာဝရင်းမြစ်တိက လက်မူလယ်ယာကနိန် စက်မှုလယ်ယာ… လက်လုပ်ထုတ်ကုန်ကနိန် စက်မှုထုတ်ကုန် …. ရှိရိုးစိုင်လာ ပညာရီးကနိန် ကွန်ပျူတာအခြီခံပညာရီးတိကို ပြောင်းလဲပီးနိုင်ရေ ဆတိုးတန်ဖိုး ဟိနိန်ရေခါ ရီနံနိုင်ငံတိစွာ နှစ်ပေါင်း ၂၀ ကာလထဲမှာ လုံးဝပြောင်းလဲခေတ်မီလားကတ်စွာကို တွိရရေ။ Continue reading