ဗမာနယ်ချဲ့ ဖက်ဆစ်ဆန့် ကျင်ရေး ရခိုင်လူမျိုးလွတ်မြောက်ရေး

ဗမာနယ်ချဲ့ ဖက်ဆစ်ဆန့် ကျင်ရေး ရခိုင်လူမျိုးလွတ်မြောက်ရေး
=================================

ကမ္ဘာ့အသိုင်းအ၀ိုင်းက ရခိုင်သားကို စိတ်ဝင်စားရေ။ ရခိုင်လူမျိုးမှာ သမိုင်းပုံရိပ်၊ နိုင်ငံရေးအစိုင်အလာနန့်  နိုင်ငံရေးနိုးကြားမှုမြင့်မားလွန်းရေ။ ဒေပိုင် ခေတ်စနစ်ကြီးတခုလုံးကို အောက်ခြီကစပနာ အပြောင်းအလဲလုပ်လားဖို့  စွမ်းရည်ပြည့်ဝရေ လူထုအင်အားစုကြီး ရခိုင်လူမျိုးမှာ ဟိနိန်ခြင်းက ရာစုနန့် ချီပြီးကေ ဆိုးသွမ်းသောင်းကျန်းယုတ်ပါလတ်တေ ဗမာနယ်ချဲ့ ဖက်ဆစ်စနစ်ဆိုးကို အမြစ်ချေတောင်မကျန်နုတ်ပစ်ဝေးသတ်လိုက်နိုင်ကြောင်းကို နိုင်ငံတကာအစိုးရတိနန့် နိုင်ငံရေးပညာသျှင်ကြီးတိက လှမ်းမြင်ထားကတ်တေ။

နိုင်ငံတကာတက္ကသိုလ်တိနန့် ပညာရေးအိန်စတီကျူးရှန်းကြီးတိက အသိအမှတ်ပြုထားရေ ရခိုင်သမိုင်းနန့် ကျမ်းပြုဘွဲ့ ယူထားကတ်တေ သမိုင်းပညာသျှင်ရို့ ၏သမိုင်းစာရွီးသားမှုတိကို လှန်ဖတ်ကြည့်လိုက်ကေ ခေတ်အဆက်ဆက် ရခိုင်လူမျိုးက ဗမာဆရာ ဖြစ်ခရေ။ ဗမာပဒေသရာဇ်ဘုရင်တိကို လူပိုင်သူပိုင် နိန်ထိုင်ပြောဆို စီမံခန့် ခွဲအုပ်ချူပ်တတ်အောင် နိုင်ငံရေးပညာ လောကသာရအကြောင်းတိကို ပို့ ချပီးခကတ်တေ။ ဗမာလူမျိုးမှာ စာပီယိုင်ကျေးမှုတိုးတက်လာရခြင်းရေ ရခိုင်လူမျိုး၏လွှမ်းမိုးမှု သွန်သင်ဆုံးမ သင်ပီးခမှုကြောင့်ပင် ဖြစ်တေ။ အဂုတော့ကေ ဆရာကိုအာခံ ဗမာလူမျိုးရေးအစွန်းရောက်ဝါဒကို စွဲကိုင်ပနာ ဗမာတိ မိုက်တွင်းနက်နိန်ကတ်တေ။ ဒေပိုင် ဗမာဖက်ဆစ်ဒမြစရိုက်ကြောင့် လူတောမတိုး ဗမာတမျိုးလုံးစွာ ကမ္ဘာ့အပြင်ဖက်ကို ရောက်နိန်ကတ်ရရေ။

ဒေပိုင် ဗမာတိအစွန်းရောက်သောင်းကျန်းလူသတ်နိန်စွာကို ထိထိရောက်ရောက် ဆုံးမပီးနိုင်စွာက ရခိုင်လူမျိုးရာဟိရေလို့  ဒေသတွင်းနိုင်ငံကြီးတိနန့်  နိုင်ငံတကာက မြင်ထားကတ်တေ။ ကမ္ဘာကြီးက ရခိုင်လူမျိုးကို စိတ်ဝင်စားရေပိုင် ရခိုင်လူမျိုးကလေ့ ကမ္ဘာကြီးကို စိတ်ဝင်စားလာဖို့ လိုရေ။ ကမ္ဘာကြီးကို လှမ်းကြည့်ပနာ ကမ္ဘာ့အသိုင်းအ၀ိုင်းနန့် ဆက်နွယ်ပြီးကေ ကိုယ့်ရခိုင်လူမျိုး လွတ်မြောက်ရေးတိုက်ပွဲကို ဆင်နွဲလားကတ်ရပါဖို့ ။ရခိုင်သားမှာဟိနိန်ရေ လူထုပါဝါစွာ အဂုလက်ဟိ ဗမာစစ်တပ်အင်အားလောက်ကို မပြောကေ့ ယင်းသူရို့ ထက် သုံးဆလောက်ကြီးရေ စစ်အင်အားကိုပါ ဖြိုချတိုက်ပစ်လိုက်လို့ ရရေ။

ထိုင်းမှာဟိရေ ရခိုင်လူမျိုး ၃ သိန်းထဲက ၁၀% ရာခိုင်နှုန်း ၃၀၀၀၀ သုံးသောင်းလောက်ရာ စစ်စွမ်းရည်ပြည့်ရေ ရခိုင်ကွန်မန်ဒိုတိ ဖြစ်လာစွာနန့်  လက်ဟိ ဗမာက ရခိုင်ပြည်ကို ဒမြ၀င်တိုက်ပနာ ရွာတိမီးတိုက် ရခိုင်သားတိကိုသတ် အပြစ်မဟိရေ ရခိုင်ဂေါင်းဆောင်တိကို မတရားပုဒ်မ အမျိုးမျိုးတပ်ပနာ ဖမ်းနိန်စွာတိကို ချက်ချင်းရပ်တန့် နိုင်ပနာ ဗမာတိခွီးပိုင်နွားပိုင် ရခိုင်ပြည်ကထွက်ပြီးလားကတ်အောင် လုပ်ပစ်လိုက်လို့ ရရေ။

ရခိုင်ရို့ ဆင်နွဲလားနိန်ရေ စစ်ပွဲစွာ အမျိုးသားလွတ်မြောက်ရေးတရားရေစစ် ဖြစ်နိန်ပြီးကေ ကိုယ့်အိမ်ကွင်းမှာ ဗမာကျူးကျော်သောင်းကျန်းသူရို့ ကို ဆုံးမနိန်ခြင်းဖြစ်လို့  ဇာရှုဒေါင့်ကပင်ကြည့်ကြည့် ကြီးကျယ်မြင့်မြတ်လွန်းပနာ စိတ်ဓါတ်ရေးရာသာလွန်ရေ။

သမိုင်းသင်ခန်းစာချေတခုက နိုင်ငံရေးစံမှီရေ ရခိုင်ရို့ အချူပ်အခြာအာဏာကျယှုံးလားရခြင်းစွာ ဗမာတိတော်လွန်းလို့ မဟုတ်ပဲ ရခိုင်သားမှာ အုပ်ချူပ်တေလူတန်းစား ခါးဆက်ပြတ်လားခြင်းကြောင့်ပင် ဖြစ်တေ။ မဟာသမ္မတရာဇာစွာ အစိုင်အလာဟိရေ ဘုရင့်မျိုးနွယ်အုပ်ချူပ်ရေးလူတန်းစားထဲကမဟုတ်လို့  ရက္ခိုင့်ဘုရင့်တပ်မတော်က သစ္စာမခံခြင်းစွာ နှစ်ပေါင်းငါးထောင်ကျော် တည်တံ့ပါလတ်တေ ရခိုင်နိုင်ငံတော်ကြီး ဗမာဒမြတိဘားမှာ ၀င်တိုက်ခံလာရဖို့  တန်းခါးဖွင့်ပီးလိုက်စွာနန့် တူနိန်ခရေ။

Ruling class or Ruling elites မဟိပဲ တိုင်းသစ်ပြည်သစ် ထူထောင်လို့ မရရေပိုင် အမျိုးသားတော်လှန်ရေးလေ့ ဆင်နွဲလားလို့ မရပါ။ နိုင်ငံရေးတော်လှန်ရေးတိုက်ပွဲဆိုစွာရေ အချူပ်အခြာအာဏာရဖို့  ကြိုးပမ်းနိန်ခြင်းဖြစ်တေခါ အာဏာလိုချင်စိတ်မဟိပဲ နိုင်ငံရေးတော်လှန်ရေးထဲမှာ ၀င်ပါနိန်ကတ်ကေ တော်လှန်ရေးလောကပုတ်ပျက်လားတတ်တေ သဘောဟိရေ။ အချင်းချင်း မနာလို စုတ်ပီစုတ်ပပြောပနာ နိုင်ငံရေးသမားတိပါလို့ ပြောနိန်ရေလူတိထက် ဗမာကိုဖြိုချပြီးကေ ဗမာနယ်ချဲ့ ဖက်ဆစ်စနစ်ဆိုးကို အမြစ်ပြတ်အဆုံးသတ်ပနာ ရခိုင်သမ္မတလုပ်လားဖို့  ရခိုင်ဝန်ကြီးတိလုပ်လားဖို့  Statesmen တိ လိုနိန်ရေ။

အုပ်ချူပ်တေလူတန်းစား ဂေါင်းဆောင်တိုင်းစွာ ကမ္ဘာကြီးမှာလူဝင်ဆန့် ပနာ ကမ္ဘာ့နိုင်ငံရေးအသိုင်းအ၀ိုင်းနန့်  ဇာပိုင် ချိတ်ဆက်ပြီးကေ ကိုယ့်အမျိုးသားအကျိုးစီးပွါးအတွက် လုပ်ဆောင်လားဖို့ လဲဆိုစွာကို အခြီခံကျကျ သိနားလည်ရေ ပုဂ္ဂိုလ်ကြီးတိပင် ဖြစ်တေ။ ဗမာနယ်ချဲ့ ဖက်ဆစ်တိကို ဆန့် ကျင်တော်လှန်ရေးအတွက်တောင်မက နှစ်ပေါင်း နှစ်ရာကျော် အဖျက်ခံလာရရေ ရခိုင်နိုင်ငံတော်ကိုပါ အယင်ပိုင် ကမ္ဘာ့အဆင့်မှီလာဖို့  လှမ်းမြင်ပြင်ဆင်ထားနိုင်ရေ အုပ်ချူပ်ရေးအင်အားစုတစု အဆင်သင့်ဟိနိန်ဖို့  မျက်မှောက်ကာလ ရခိုင့်လူ့ ဘောင်က တောင်းဆိုနိန်ပါရေ။။။

 

Share

Leave a Reply

Your email address will not be published. Required fields are marked *