၂၀၁၇ ခုနှစ်၊ နိုဝင်ဘာလ (၁၀/၁၁/၁၂) ရက်နေ့ တိုက်ပွဲသတင်းများ

ရခိုင်ဒေသ ၊ရခိုင်နယ်စပ် နှင့် ပလက်ဝဒေသအတွင်း၌ နိုဝင်ဘာဆန်းစမှစတင်ဖြစ်ပွားခဲ့သော တိုက်ပွဲများသည် ယနေ့အထိ တိုက်ပွဲအရှိန်အဟုန်မြင့်မားလာခြင်းနှင့်အတူ တိုက်ပွဲများသည်လည်း ဆက်လက်ပြင်းထန်လျှက်ရှိသည်။ နိုဝင်ဘာ (၈) ရက်နေ့တွင် ကုလားတန်မြစ်ကြောင်းနံဘေးရှိ “နှုန်းဘူး”ကျေးရွာ နှင့်“င/ချက်အောက်” အကြားတွင်တိုက်ပွဲများဖြစ်ပွားခဲ့သည်။

နိုဝင်ဘာ (၁၀/၁၁/၁၂)ရက်များတွင်မူ “ဒိုးချောင်းဝ”(Doe Chaung Wa)၊ “ရီချမ်းသာ” (Ri Chan Thar)၊ “ဒိုးရီ တောင်” (Doe Ri Taung)၊ “ရွှီလိုင်ပွီ” (Shwe Lai Pwi)၊ “ပွီးလိုင်ဝ” (Pwi Lai Wa) အနီးအနားတွင် တိုက်ပွဲများ တစ်ရက်လုံးနီးပါးနေရာအနှံ့တောက်လျှောက်ဖြစ်ပွားခဲ့သည်။ ရက္ခိုင့်တပ်မတော် ၊ တပ်မဟာ (၃) နှင့် မြန်မာစစ်တပ်၏ တပ်ရင်းအချို့တို့တိုက်ပွဲဖြစ်ပွားခဲ့ခြင်းဖြစ်သည်။ ၎င်းနေရာများတွင် ခမီ၊ရခိုင်၊မြာ၊မြို၊မြုံ၊ လင်းကြေး၊လူမျိုးများ စုဝေးနေထိုင်သော ဒေသဖြစ်ပြီး အများသုံးဘာသာစကားမှာ ရခိုင်စကားဖြစ်သည်။

နိုဝင်ဘာ (၁၀) ရက်နေ့တွင် နံနက် (၉) နာရီခန့်မှစ၍ “ဒိုးချောင်းဝ”အနီးတွင်ဖြစ်ပွားခဲ့ပြီး ယနေ့အထိ အပြန်အလှန်ပစ်ခတ်တိုက်ခိုက်မှုများဆက်လက်ရှိနေဆဲဖြစ်သည်။ ထို့အတူ “ရွှီလိုင်ပွီ”အနီးတိုက်ပွဲများသည်လည်း ယနေ့အချိန်အထိကြိုကြားကြိုကြား အပြန်အလှန်ပစ်ခတ်တိုက်ခိုက်မှုများဆက်လက်ရှိနေဆဲဖြစ်သည်။

နိုဝင်ဘာလ (၁၁) ရက်နေ့တွင် မနက် (၇) နာရီခန့်မှ ညနေ (၇) နာရီအထိ အထက်ပါနေရာများတွင် တိုက်ပွဲ များဆက်တိုက်ဖြစ်ပွားခဲ့ပြီး ၎င်းနေ့သည် အပြင်းထန်ဆုံးနေ့တစ်နေ့လည်းဖြစ်သည်။ မြန်မာစစ်တပ်ဖက်မှ ထိခိုက်ကျဆုံးသူများများပြားခဲ့သလို မိမိတို့ဖက်မှလည်း အလတ်စား၊ အပြင်းစားဒဏ်ရာရသူ အနည်းငယ်ခန့်ရှိခဲ့သည်။

နိုဝင်ဘာ (၁၂) ရက်နေ့တွင် နံနက်(၄) နာရီခန့်တွင် “ရီချမ်းသာရွာ”အနီးတွင်စတင်ဖြစ်ပွားခဲ့ပြီး နောက်ဆုံးရရှိ သောသတင်းများအရ ညနေ (၈) နာရီ အချိန်အထိ တိုက်ပွဲများဆက်လက်ပြင်းထန်လျှက်ရှိသည်။ တိုက်ပွဲ နောက်ဆက်တွဲသတင်းများကိုဆက်လက်တင်ပေးသွားပါမည်။

မြန်မာစစ်တပ်ဖက်မှ ညအချိန်များတွင်လက်နက်ကြီးများဖြင့် ရမ်းသန်းပစ်ခတ်တိုက်ခိုက်မှုများကြောင့် လက်နက် ကြီးကျရာပတ်ဝန်းကျင်အနီးအနားမှ ရွာသူရွာသားများသည်လည်း စစ်ရှောင်များအနေဖြင့် ထွက်ခွာလျှက်ရှိနေကြပြီဖြစ်သည်။

ရက္ခိုင့်တပ်မတော်
သတင်းနှင့်ပြန်ကြားရေးဌာန
၂၀၁၇ ခုနှစ်၊ နိုဝင်ဘာလ (၁၂) ရက်နေ့၊ ညနေ (၉) နာရီ (၅၀)တွင် ရေးတင်သည်။

(ရက္ခိုင့်တပ်မတော် ပြန်ကြားရေးတာဝန်ခံမှာ”ခိုင်သုခ”တစ်ဦးတည်းကိုသာဖြစ်ပါသည်။ ထို့အပြင် မိမိတို့၏ အင်တာဗျူး၊ဆက်သွယ်မေးမြန်းချက်များကို ရက္ခိုင့်တပ်မတော်၏ တစ်ခုတည်းသော Facebook Page ဖြစ်သည့်ဤ ရက္ခိုင့်တပ်မတော်သတင်းနှင့်ပြန်ကြားရေးဌာနPage တွင်သာဖော်ပြပါသည်။ နိုဝင်ဘာလ (၁)ရက်မှ (၁၁)ရက်အထိ အင်တာဗျူးဖြေဆိုသူမှာခိုင်သုခ တစ်ဦးတည်းသာဖြစ်သည်။ ထို့ကြောင့် ယခုနိုဝင်ဘာလအတွင်းယနေ့အချိန်အထိ AA ဦးစီးချုပ်၊ဒုချုပ်များအနေဖြင့် မည်သည့်အင်တာဗျူးများကိုမှ ဖြေဆိုထားခြင်းမရှိပါ။ )

#Arakandream2020
#ThewayofRakhita
#Thewayofrakhita
#ရက္ခိတလမ်းစဉ်

 

Share

Leave a Reply

Your email address will not be published. Required fields are marked *