“အရှိတိုင်းက နီမင်းကြီး”

နှလုံးသားအကြီးမသန်ထဲမှာ ရသခံစားမှုတိ အပြည့်ဖြည့်ပြီးကေ စာပီအနုပညာဂီတသမားတစ်ယောက်အဖြစ် ရပ်တည်အသက်မွီးဖို့  ဂျနီဗာမြို့ သားချေ ရူးဆိုး (Rousseau) တစ်ယောက် ပါရီမြို့  ကိုရောက်ပါလတ်တေ။ စကားလုံးအနုအလှတိနန့် စာပီဖွဲ့ နွဲ့ မှုတိက လက်ရာမြှောက်လွန်းရေခါ ကာလတိုချေဖြတ်သန်းမှုနန့် ကို ပြင်သစ်စာပီလောကမှာ ထင်ပေါ်ရေ ကလောင်တစ်ချောင်း ဖြစ်ပါလတ်တေ။ ဂီတသီအိုရီအသစ်ရွီးထုတ်ပနာ တေးဂီတနယ်ပယ်မှာ ခြီဆန့်  ဖို့ ကြိုးစားကြည့်ခသိမ့်ရေ။ သူ့ ၏ဂီတအရွီးအသားက လူတိနားလည်ဖို့  ခက်ခဲရေခါ မအောင်မြင်ခပါ။

ယေကေလေ့ ကကောင်းမကြာလိုက် မျက်စိရှိမှာ မြင်နိန်ရရေ မညီမျှမှု ခြစားနိန်ခြင်းတိ၊ လူအများကဆင်းရဲတွင်းနက်ပြီးကေ အနာဂတ်ပျောက်နိန်ရခြင်းတိ၊ လူ့ အဖွဲ့ အစည်းကြီးတခုလုံး ဘက်ပေါင်းစုံက ယိုးယွင်းပျက်ကျနိန်မှုတိက တွန်းအားတိဖြစ်လာပနာ ရူးဆိုးရင်ဖတ်ထက်မှာ နိုင်ငံရီးအတွေးအခေါ်မျိုးစိတိအပင်ချေ ပေါက်ပါလတ်တေ။ “သက်ဦးဆံပိုင်ဘုရင်နန့် မှူးမျိုးမတ်နွယ် ရီပေါ်ဆီတိက စနစ်တကျ ဂုတ်သွီးစုပ်ပနာ ထိုင်စားနိန်ကတ်တေ အချိန်မှာ ပြည်သူအများစုက ကုန်းကောက်စားစရာမဟိ… လူရုပ်မပေါက်… ဒေပိုင် ပဒေသရာဇ်စနစ်ဆိုးနန့် ရှိဆက်လားကေ ပြင်သစ်လူ့ အဖွဲ့ အစည်း မြောင်းထဲကျလားဖို့ လတ်….” ရူးဆိုးပြောရေ ဒေစကားက… အအုပ်ချူပ်ခံ အောက်ခြီလူတန်းစား ပြင်သစ်ပြည်သူရို့ နှလုံးသားကို အားဖြစ်စီကေလေ့ လက်တဆုပ်စာအုပ်ချူပ်တေ ရီပေါ်ဆီရို့ နားထဲကို သံရည်ပူလောင်းထည့်ပိုင် ဖြစ်လားရေ။ ယေကေ ရူးဆိုးရွီးရေစာကို လိုက်သိမ်း…. စာအုပ်ရွီးသားခွင့်တိပိတ်… ရူးဆိုးကိုပါ လိုက်ဖမ်းရေခါ… မြို့ ပြင်ကိုထွက်ပနာ ပုန်းနိန်ခရရေ။

ရူးဆိုးရေ နိုင်ငံရီးပြဿနာကို အနုစိတ်ချယ်သပြီးကေ အားမလိုအားမရ ရင်ကွဲနာကျခြင်းမှာ ရပ်မနိန်ခပဲ လူ့ အဖွဲ့ အစည်းမှာစွဲကပ်နိန်ရေ ယင်းနိုင်ငံရီးအဆိပ်ကို ပျောက်အောင်ကုသလားဖို့  အဆိပ်ဖြေဆီးပါ ချပီးခသိမ့်ရေ။

အမျိုးသားလွတ်မြောက်ရီးအတွက် နိုင်ငံရီးတိုက်ပွဲကို ဆင်နွဲကတ်တေခါ သာရေးနာရေး လူမှုရေး ပညာရေး ဂေါင်းစိုင်အမျိုးမျိုးကြားမှာ ဇာလမ်းကိုလားရဖို့ မှန်းမသိရေ ညီညွတ်ရီးမျိုး မတည်ဆောက်ပဲ…. သက်ဦးဆံပိုင်ဘုရင်စနစ်ဆိုးကို အမြစ်ကနုတ်ပြီးကေ လူထုဦးဆောင်ရေခေတ်သစ်လူ့ ဘောင်ထူထောင်လား ကတ်ဖို့ နိုင်ငံရီး ရည်ရွယ်ချက်အပြည့်နန့် ညီညွတ်ရီးမျိုး တည်ဆောက်လားကတ်ဖို့  သြ၀ါဒချပီးခရေ။ နှစ်ပေါင်းထောင်ချီပနာ အုပ်ချူပ်ပါလတ်တေ သက်ဦးဆံပိုင်ပဒေသရာဇ်စနစ်ဆိုးကို နိဂုံးချူပ်လားနိုင်ဖို့ က ပြည်သူလူထုစွာ နိုင်ငံရီးနိုးကြားဖို့ လိုရေ။ နိုင်ငံရီးနိုးကြားရေ ဆိုစွာ တစ်ဦးတစ်ယောက် တစ်ဖွဲ့ တစ်စုက သူရို့ ဖြစ်ချင်စွာကို ဦးတည်လားပနာ အတ္တ၀ါဒနန့် ထွက်ပေါက်ရှာ ကိုယ်လွတ်ရုန်းခြင်းမဟုတ်ပဲ အားလုံးစုစည်းညီညွတ်ပနာ စည်းဝိုင်းတခုတည်းမှာ ရပ်တည်လို့  အစိုးရယန္တရားကို ဖယ်ရှားပြီးကေ နိုင်ငံရီးစနစ်ကြီးတခုလုံးကို အမြစ်ကနုတ် နိဂုံးချူပ်ပီးတတ်ခြင်းပင် ဖြစ်တေလို့  ရူးဆိုးက ထောက်ပြရေ။ အများဆန္ဒနန့်  လူမှုပဋိဥာဉ်စာချူပ်ချူပ်ပနာ အချူပ်အခြာအာဏာရေ လူထုဘားကဆင်းသက်တေ… နိုင်ငံရီး၏ပိုင်သျှင်ရေလူထုဖြစ်တေ…. လူထုကံကြမ္မာကိုလူထုလက်နန့် ဆုံးဖြတ်တေ ဆိုရေ ရူးဆိုးသြ၀ါဒ နိုင်ငံရီးအသိတရားတိက လူထုနှလုံးသားထဲကို ဖြတ်သန်းစီးဆင်းလားခပနာ ပြင်သစ်ပြည်မှာ ဥာဏ်အလင်းခေတ်တစ်ခေတ် ထွန်းတောက်ပါလတ်တေ။ ကိုယ်ပိုင်ပြဌါန်းခွင့်… နိုင်ငံရီးအခွင့်အရီး… ထိုအခွင့်အရီး ဒေအခွင့်အရီးတိကို မပြောကေ့ ပေါင်မုန့် အဆိုးချေတလုံးတောင် ဘုရင်ဆိုရေ အစိုးရဆိုးဘားက လားတောင်းလို့ မရ… ကိုယ်ပိုင်ပြဌါန်းချင်ကေ ကိုယ်တိုင်တော်လှန်ရရေ… ဆိုရေ ရူးဆိုးဒဿနတိက ပြင်သစ်တော်လှန်ရီးကြီးကို ပျိုးထောင်ပီးခပနာ ကမ္ဘာ့မြီပြင်ထက်မှာ ဂနိထက်ထိ အသက်ဝင်ရှင်သန်နိန်ပါသိမ့်ရေ။ ပြင်သစ်ပြည် ဥာဏ်အလင်းခေတ်မှာ အတွေးအခေါ်ပညာသျှင်၊ သိပ္ဗံပညာသျှင်၊ စာပီပညာသျှင် စရေ ပညာသျှင်တိအများကြီးပေါ်ထွန်းခပနာ ကွဲပြားခြားနားရေ အကြောင်းအရာတိကို ရွီးဖွဲ့ တင်ပြခကတ်ကေလေ့ သူရို့ ၏ဘုံဦးတည်ချက်က သက်ဦးဆံပိုင် ဘုရင်စနစ်ဆိုး နိဂုံးချူပ်ရီး ပင် ဖြစ်နိန်ခရေ။

ကိုလိုနီကျွန်ဘ၀က လွတ်မြောက်ဖို့  အဓိကလျှို့ ဝှက်ချက်လက်နက်က နိုင်ငံရီးနိုးကြားမှုဖြစ်နိန်ရေခါ အရှိတိုင်းက နီမင်းကြီး ဆရာတော်ဥတ္တမကလေ့ ရူးဆိုးပိုင် နိုင်ငံရီးနားမျက်စိဖွင့်ပီးခြင်း ဥာဏ်အလင်းကို ထွန်းတောက်ပြပီးခရေ။ အင်္ဂလိပ်နီမ၀င်အင်ပါယာဆိုစွာရေ တခုလေ့မဟုတ်…ကျူးကျော်နယ်ချဲ့  ဂုတ်သွီးစုပ်စားနိန်ရေ သွီးစုပ်ဖုတ်ကောင်တိဖြစ်နိန်ရေ။ ယေဇုနန့်  ဒေသွီးစုပ်ဖုတ်ကောင်တိကို ကြောက်စရာမလို အိမ်ပိုင်သျှင်က သူခိုးကို ဆုံးမခြင်းစွာ ဇာရှုဒေါင့်ကပင်ကြည့်ကြည့် တရားရေ ဆိုရေ နိုင်ငံရီးဥာဏ်ပညာနန့်  နားမျက်စိဖွင့်ပီးခပနာ လက်တွိကျရေ နည်းဗျူဟာအတိုင်း “ဝေး ကရက်ဒေါက် မင်းထွက်လား” ဆိုရေ ဆရာတော်စကားက အကြောက်တရားနန့် အိပ်မောကျနိန်ရေ အဖိနှိပ်ခံရို့ ကို လှုပ်နိုးပီးလိုက်တေ။ အင်္ဂလိပ်နယ်ချဲ့ အပါအ၀င် တိုင်းတပါးသား ဇာသူမဆို ကိုလိုနီလာလုပ်ကေ ဆန့်  ကျင်တော်လှန်ပနာ လွတ်လပ်ရီးတိုက်ပွဲဝင်လားရဖို့ ဆိုရေ ဆရာတော်ဝါဒက ဂနိထက်ထိ စွဲထင်ကျန်အသက်ဝင်နိန်ပါရေ။

ဂနိကာလမှာ ရခိုင်လူထုရေ နယ်ချဲ့ အောက်သားနန့်  နယ်မြီလုကုလား အန္တရာယ်ကြီးနှစ်သွယ်ကြားမှာ အခြိမ်းခြောက်ခံနိန်ရရေ။ အာဏာလက်မဲ့လို့  ပြည်ပဲ့ပနာ ကယ်သူမဟိ ဖြစ်နိန်ရရေ ရခိုင်ရို့  အတွက် ကယ်တင်သျှင်အစစ်အမှန်က ရခိုင်သားကိုယ်တိုင် ဖြစ်နိန်ရေ။ ငါရို့ မှာ အာဏာမဟိပါလို့  ခံစားမိခြင်းကကို အာဏာကိုလှမ်းဆုပ်ယူလားဖို့  တပ်လှန့် နိုးဆွပီးလိုက်တေ ခရီးအစပင် ဖြစ်တေ။ ဒေပိုင် လူထုလွတ်မြောက်ရေးလှုပ်ယှားမှုကြီးကို အကောင်အထည်ဖော်လားနိုင်ဖို့ က နိုင်ငံရီးနိုးကြားမှုလိုရေ ဆိုစွာကို ထဲထဲဝင်ဝင် သိမြင်ခရေ ဆရာတော်ဥတ္တမ၏မျိုစိချပီးမှုနန့် နိုင်ငံရီးနားမျက်စိပွင့်ခြင်းက ရခိုင့်လူထုနှလုံးသွီးအိမ်ထဲမှာ ထာဝရစီးဆင်းလည်ပတ်လားနိန်ဖို့ လိုနိန်ပါရေ။ ဥတ္တမစိတ်ဓါတ်နန့်  မားမားမတ်မတ်ရပ်ပနာ အန္တရာယ်အားလုံးကို ကျော်လွှားလားနိုင်ဖို့  ငါရို့  ရခိုင်သားစွာ နှစ်ဆယ့်တစ်ရာစုမှာ လူဖြစ်ပါလတ်တေလို့  ခံယူယုံကြည်ပြီးကေ လွတ်လပ်တေလူမျိုးကရာ ကိုယ့်ကံကြမ္မာကို ဖန်တီးနိုင်ရေပိုင် တခြားလူမျိုးတိကလေ့ ဒေပိုင်လွတ်လပ်တေလူမျိုးကိုရာ အထင်ကြီးလေးစားအားကျတတ်ကြောင်းကို ရက္ခိတမျိုးဆက်ရို့  သိမြင်ပါလတ်ကတ်ပါဗျာယ်။

ဒေချင့်နန့် ဆက်စပ်ပနာ သမိုင်းနောက်ကြောင်းကို လှန်ကြည့်ရကေ ဒုတိယကမ္ဘာစစ် ဥရောပမှာ စဖြစ်တေ။ ဒေပိုင် ဖြစ်ခရရေ အကြောင်းရင်းက ဗာဆိုင်းငြိမ်းချမ်းရေးစာချူပ်နန့် ဥရောပနယ်ချဲ့ ရို့  အချင်းချင်း ဂုတ်သွီးစုပ်ခြင်းကြောင့် ဖြစ်ပနာ ကိုလိုနီနယ်မြီလုကတ်ခြင်းကြောင့်လေ့ ဖြစ်တေ။ ဒုတိယကမ္ဘာစစ်ပြီးရေခါ စစ်ရှုံးရေ ဂျာမဏီနန့် ဂျပန်နိုင်ငံတိကို အင်္ဂလိပ်နန့် အမေရိကန်ရို့ မဟာမိတ်အဖွဲ့ က ကိုလိုနီမလုပ်ခကတ်ပါ။ အကြောင်းက နိုင်ငံရီးနိုးကြားပြီးသား အမျိုးသားရီးဝါဒဟိပြီးသား စက်မှုထွန်းကားပြီးသားလူမျိုးတိကို ဂုတ်သွီးစုပ်ကိုလိုနီလားလုပ်ကေ ဒုတိယကမ္ဘာစစ်ပိုင် စစ်ပွဲတိ ပြန်ဖြစ်လာပနာ အားလုံးပျက်ကိန်းဆိုက် လာကတ်ဖို့ ။ အေချင့်ကို ဆင်ခြင်တုံတရားအပြည့်နန့်  သမိုင်းသင်ခန်းစာယူတတ်ခြင်းကြောင့် အင်္ဂလိပ်နန့် အမေရိကန်ရို့  ကိုလိုနီစနစ်ကို ဖျက်သိမ်းခကတ်တေ။ ယေကေလေ့ ဥရောပတိုက် ရေရှည်ဖွံ့ ဖြိုးတိုးတက်ရေး ဆိုပြီးကေ စီမံကိန်းဆွဲပနာ ပုံစံတမျိုးနန့်  စီးပွါးရေးအရ ချူပ်ကိုင်ဖို့ ကြိုးစား လာကတ်လို့  ပရုန်းနရုန်းထပနာ ဂျာမန်နန့် ပြင်သစ်ရို့ တိုင်ပင်ဆွေးနွေးပြီးကေ ဥရောပကျောက်မီးသွီး နန့်  စတီးလ်အသိုင်းအ၀ိုင်း (European Coal and Steel Community) ကို ဖွဲ့ ခရရေ။

ယင်းအတွက်နန့်  အစိုးရယန္တရားနန့် ကိုလိုနီစနစ်ဆိုးကို ဇာပိုင် နိဂုံးချူပ်ပီးရဖို့ လဲဆိုစွာကို လူထုက လက်တွိကျကျသိရေ နိုင်ငံရီးနိုးကြားခြင်း နန့်  အမျိုးသားနိုင်ငံတော်ကို ဇာပိုင်ထူထောင် လားရဖို့  လဲဆိုစွာကို လူ့ ဘောင်ထဲက လူအများစု လက်တွိကျကျသိရေ အမျိုးသားဝါဒဟိခြင်းစွာ လွတ်လပ်တေလူမျိုး တိုင်းပြည် နိုင်ငံဖြစ်ဖို့  အခြီခံအချက်တိ ဖြစ်နိန်ရေပိုင် တဖက်မှာ ကျွန်ဖြစ်နိန်ရေ လူမျိုးတိမှာ အမျိုးသားရေးဝါဒနန့် နိုင်ငံရေးနိုးကြားမှုမဟိကတ်စွာကို လားတွိရရေ။
အကျိုင်းချူပ်ပြောရကေ အမျိုးသားလွတ်မြောက်ရီးနန့်  လူထုတော်လှန်ရီးတိအောင်မြင်ရခြင်း၏ အဓိကလျှို့ ဝှက်ချက်စွာ ပြည်သူအများစု၏နိုင်ငံရီးအသိတရားနိုးကြားမှုပင် ဖြစ်နိန်ရေခါ ဆရာတော်ဥတ္တမအသျှင် အရှိတိုင်းက နီမင်းကြီး ပီးခရေ နိုင်ငံရီးအလင်း၊ ဆရာတော်ဟောခရေ နိုင်ငံရီးတရား၏အဓိပ္ဗါယ်အစစ်အမှန်၊ ဆရာတော်ချပီးခရေ ကျွန်ဆိပ်ဖြေဆီး၊ ဆရာတော်ဖြစ်စီချင်ခရေ လုံးဝလွတ်လပ်ရီးနန့် နိုင်ငံရီးထွက်ပေါက်ရှာပနာ ဆရာတော်မွီးနိ အခမ်းအနားကစပြီးကေ တိုက်ပွဲဝင်လားရပါဖို့ ။ ယေမှရာ ဆရာတော်ကို ကျေးဇူးဆပ်ရာ ရောက်ပါဖို့ ။ နိုင်ငံရီးဒဿန ပေါကြွယ်ဝရေ ရခိုင်ရို့ စွာ ဆရာတော်ချန်ထားခရေ စိတ်ဓါတ်ခွန်အားနန့် ပေါင်းပြီးကေ ရခိုင်နိုင်ငံတော်ကို ပြန်ထွန်းတောက်လာအောင် လုပ်ဆောင်လားကတ်ပါမေ။။။

ခိုင်အောင်အောင်
၃၁၊ ၀၈၊၂၀၁၇

Share

Leave a Reply

Your email address will not be published. Required fields are marked *