မိတ္တာရပ်ခံတောင်းဆိုလိုက်ခြင်း

ပြည်ပနိုင်ငံတိရောက် ရခိုင်ပြည်သူလူထုရို့ အသံတိကို နားထောင်ပီးရေ…. သူရို့ ၏သာရေးနာရေးနိုင်ငံရေးတော်လှန်ရေးလှုပ်ယှားမှုတိကို တလေးတစားမှတ်တမ်းတင်ဖော်ပြပီးရေ သတင်းမီဒီယာတိက မဟိသလောက်ရှားရေ။ မြန်မာနိုင်ငံ၏မီဒီယာကဏ္ဍကြီးတခုလုံးကို ဗမာတိကရာ လက်ဝါးကြီးအုပ်ပြီးကေ ဗမာလူမျိုးအကျိုးစီးပွါးအတွက် ဗမာဗဟိုပြုမူဝါဒတိနန့် ရာ ချူပ်ကိုင်ထားရေခါ ကျန်ရေလူမျိုးတိ၏အကြောင်းအရာကိစ္စရပ်တိစွာ ဘေးဖယ်ခံနိန်ရရေ။

ရခိုင့်အမျိုးသားအကျိုးစီးပွါးနန့် ရခိုင်ရို့ အသံကို နားထောင်ဖို့  ရခိုင်မျိုးဆက်သစ်ချေရို့ ၏အတွေးအမြင်တိနန့်  အနာဂတ်မျှော်မှန်းချက်သဘောထားတိကို ဖော်ပြပီးလားဖို့  ရက္ခရာစု ရခိုင့်အွင်လိုင်းမဂ္ဂဇိန်းကို လွှင့်တင်ထားပါရေ။ အဂုလောလောဆယ် ရခိုင်သားကြီးဝပ်ဆိုဒ်ထက်မှာ တင်ထားခရေ အိန်တာဗျူးချေတိကို ပြန်ဖော်ပြပီးထားပြီးကေ ရခိုင့်အမျိုးသားလွတ်မြောက်ရေးလှုပ်ယှားမှုကြီးကို ဦးဆောင်တိုက်ပွဲဝင်နိန်ရေ ရက္ခိုင့်တပ်မတော်၏နိုင်ငံရေးလမ်းစိုင်မူဝါဒတိကိုပါ ဖော်ပြပီးထားပါရေ။

 

ကိုယ့်ရခိုင်လူမျိုးတိ နှစ်ပေါင်းနှစ်ရာကျော် ဆုံးယှုံးပါလတ်ရရေ မွီးရာပါအခွင့်အရေးတိ အခွင့်အလမ်းတိ အမျိုးသားနစ်နာဆုံးယှုံးမှုတိနန့် ပတ်သက်လို့  အဖြေကိုရှာရေ ရှုဒေါင့်အမြင်တိ ၀ီမျှပီးချင်ရေ ထုတ်ဖော်ပြောပြချင်ရေ စိတ်ဆန္ဒတိဟိကတ်ကေ ဆောင်းပါးတိရီးသားလို့ ဖြစ်ဖြစ် အိန်တာဗျူးခြင်းဖြစ်ဖြစ် လုပ်လားချင်ကတ်တေ ပညာတတ်ရခိုင်သားချေရို့ ကို ရက္ခရာစုက လက်ကမ်းလို့ ကြိုဆိုနိန်ပါရေ။

 

စီးပွါးဖြစ်ရောင်းစားရေ သတင်းမီဒီယာမဟုတ်ပဲ ရခိုင်လူထုအကျိုးရှာရေ ပရဟိတမီဒီယာရာ ဖြစ်လို့  အားနည်းချက်တိဟိကေ ဝေဖန်ထောက်ပြအကြံပီးကတ်ဖို့  တောင်းဆိုလိုက်ရပါယင့်။

 

ရက္ခရာစု

ရခိုင့်အွင်လိုင်းမဂ္ဂဇိန်း

Mobile: +31 6 29482033

Email: rakharazumedia@gmail.com