ကျနော်သူပုန်လုပ်နီရေ

#ကျနော်သူပုန်လုပ်နီရေ

အေနှစ်မေလတုန်းက,ညဇာထမင်းစားပွဲတစ်ပွဲဖိတ်လို့လားခီရေအခါ အိမ်ရှင်က ဖိတ်ထားရေအာဂန္တုတိကို တဝိုင်းကျစီ လိုက်နှုတ်ဆက်ရေ။

ကျနော့်အလှည့်ရောက်ခါ “အဂုဇာအလုပ်အကိုင်လုပ်နီလဲဆိုရေပုံစံမျိုးနန့် အိမ်ရှင်,အဘောင်ရှင် ကမေးရေ။

ကျနော်က ရိုးရိုးချေရာဖြေခရေ”#ကျနော်သူပုန်လုပ်နီရေလို့

ရခိုင်နိုင်ငံနန့် ရခိုင်လူမျိုးအတွက် ရခိုင်သူပုန်လုပ်နီရလို့ကိုယ့်စွာကိုယ်လေ့ဂုဏ်ယူရေ။ တိုင်းပြည်အီးချမ်းနီကေတော့ သူပုန်ဖြစ်ခွင့်ရလီဖို့မဟုတ်။ ယေဇု အဂုပိုင်သူပုန်ဖြစ်ခွင့်ရစွာ အစိုးရအဆက်ဆက်ကိုရှာကြံကျေးဇူးတင်ရဖို့ကျနီရေ။ ဆိုခါ—#အသစ်သူပုန်ချေတိကိုလေ့စောင့်မျှော်နီရေ

ကျနော့်ပိုင်ရခိုင်သူပုန်ဆရာဝန် နောက်ထပ် ၂ ယောက်လောက်ဟိကေ အေဂုတိုက်ပွဲမှာ ရန်သူ့အသီအပျောက်စွာအေဂုထက် အဆတက်လီဖို့။ ဆရာဝန်တိကမလာရေအခါ ခွဲစိပ်အတွိအကြုံဟိရေ ဆီးဆရာတိဆိုကေတောင် လက်ခံလီရဖို့ကျလားဗျာယ်။

လောလောဆယ်တိုက်ပွဲတိက ပြောက်ကျားအဆင့်လောက်ရာ။ ကိုယ့်ကိုလာတိုက်ကေ ရှောင်လို့ရကေရှောင်ရေ။ ရှောင်လို့မရကေတော့ ကုလားတန်ကြောင်းကမျောပီးလိုက်တယ်။ ရရိုးချေရာ။

အေနိ တစ်စိလေးလုံး (၁၁-၁၁) tetraone တိုက်ပွဲပြင်းရေ။ ညဇာကပင်ဖြစ်နီစွာ။ကျောက်ဖြူဖက်ကတပ်နန့်။အေနိလေ့ညဇာကတိုက်ပွဲဖြစ်တေတိုင်သားနန့်မိုးထစောစောကနီဖြစ်နီစွာ အေဂုထက်ထိ။ အပြင်းထန်ဆုံးနိတစ်နိလေ့ဖြစ်တေ။ စနီမိုးတော့မဟုတ်။စနီတိုက်ပွဲလို့ဆိုရဖို့။တိုက်ပွဲသတင်းတိကိုတော့ ဖြည်းဖြည်းတင်ဖို့ရာ။

ရခိုင်လူမျိုးအများစု၏ထောက်ခံမှုကိုရယူထားရေAA ၏အောင်ပွဲစွာ ရခိုင်လူမျိုးတိ၏အောင်ပွဲဖြစ်တေ။ AA ၏အောင်ပွဲကရာ ရက္ခိုင့်ကံကြမ္မာကိုအဆုံးအဖြတ်ပီးလီဖို့ဖြစ်တေ။ အေနှုန်းအတိုင်းရာဆိုကေ Arakan Dream 2020 ဆိုစွာကောင်းမကြာရာထင်ရေ။

ကျနော်သူပုန်လုပ်ဖို့လာပါဖို့လို့ စာပို့ထားရေညီချေ၊ညီမချေရို့ သူပုန်မလုပ်ရဖို့စွာမပူလီကတ်ကေ့။ သူပုန်လုပ်ခွင့်မကြုံသိမ့်ကေလေ့ ရောက်ဟိရေနီရာက ကိုယ့်မှာတတ်ကျွမ်းထားရေပညာ၊အလုပ်အကိုင်နန့်သူပုန်လုပ်လို့ရရေ။

ညီချေ၊ညီမချေရို့,အေဂုခေတ်မှာသီနတ်ကိုင်မှ သူပုန်ဖြစ်စွာမဟုတ်။ သီနတ်ကိုင်ခွင့်မရသိမ့်ရေ ညီချေ၊ညီမချေရို့ ANM -Arakan National Movement ရခိုင်အမျိုးသားရီးလှုပ်ယှားမှုကြီးအတွက် အားမွီးထားကတ်။ ချကတ်ဖို့နှန်းရာ။

သီနတ်မကိုင်တောထဲကိုမလား၊ စစ်မတိုက်ဘဲ ကိုယ့်စွာနန့်ကိုယ် တစ်ယောက်တည်းသူပုန်၊ အုပ်စုလိုက်သူပုန်လုပ်လို့ရရေနည်းတိမကန်။ အာပတ်လွတ်သူပုန်လုပ်နည်းအနုပညာကမကန်။ ဉာဏ်ကောင်းကေကောင်းပိုင်လုပ်လို့ရရေနည်းလမ်းတိကိုနောက်နိခါမှ ရီးတင်ဖို့ရာ။

ရခိုင်လူမျိုး Dr.ညိုထွန်းအောင်
11.11.2017 Saturday

 

Share

Leave a Reply

Your email address will not be published. Required fields are marked *